Wys bron van Hyksos

{{Antieke Egipte}}
Die '''Hyksos''' ([[Egipties]]: ''heqa chasesjet'', "heersers van die buiteland") was ’n volk of ’n kombinasie van volke uit [[Wes-Asië]] wat die oostelike [[Nyldelta]] oorgeneem en so ’n einde gebring het aan die [[13de Dinastie]] van [[Antieke Egipte]]. Dit was ook die begin van die [[Tweede Oorgangstydperk van Egipte|Tweede Oorgangstydperk]].<ref>Redford D., ''Egypt, Canaan and Israel in ancient times'', 1992</ref>

[[Kanaän]]itiese bevolkings het aan die einde van die [[12de Dinastie]], omstreeks [[1800 v.C.]], vir die eerste keer in Egipte hul verskyning gemaak en ’n onafhanklike ryk gevestig.<ref name="ryholt"/> Die Kanaänitiese heersers van die delta het hergroepeer in die [[14de Dinastie]] en het saam met die [[13de Dinastie]] bestaan wat in [[Itjtawy]] gebaseer was. Die mag van die 13de en 14de Dinastie het stelselmatig afgeneem, waarskynlik weens droogte en hongersnood,<ref name="ryholt">K.S.B. Ryholt: ''The Political Situation in Egypt during the Second Intermediate Period, c.1800–1550 BC'', Carsten Niebuhr Institute Publications, vol. 20. Copenhagen: Museum Tusculanum Press, 1997, [http://books.google.co.uk/books?id=ANRi7cM5ZwsC&printsec=frontcover&dq=The+Political+Situation+in+Egypt+During+the+Second+Intermediate+Period&hl=en&sa=X&ei=pfHWUtG-ObGS7AbCj4DgBA&ved=0CDUQ6wEwAA#v=onepage&q=The%20Political%20Situation%20in%20Egypt%20During%20the%20Second%20Intermediate%20Period&f=false uittreksels hier aanlyn beskikbaar]</ref> en omstreeks [[1650 v.C.]] is albei deur die Hyksos verower. Dié het hul eie dinastie, die [[15de Dinastie]], gestig. Die verval van die 13de Dinastie het ’n magsvakuum in die suide geskep wat gelei het tot die [[16de Dinastie]] wat in [[Thebe, Egipte|Thebe]] gebaseer was en moontlik ook ’n plaaslike dinastie in [[Abydos]].<ref name="ryholt"/> Albei is eindelik deur die Hyksos verower – net vir ’n kort rukkie in Thebe. 

Daarna het die [[17de Dinastie]] beheer van Thebe oorgeneem en vir ’n ruk in vrede saam met die Hyksos-konings regeer, moontlik as hul leenhere. Eindelik het [[Seqenenre Tao]], [[Kamose]] en [[Ahmoses I|Ahmoses]] oorlog teen die Hyksos gevoer en hul laaste koning omstreeks [[1550 v.C.]] uit Egipte verdryf.<ref name="ryholt"/>

== Verwysings ==
{{Verwysings}}

{{Normdata}}
[[Kategorie:Antieke Egipte]]