Gwelet an tarzh evit Inizi Maloù

{{databox}}
'''Inizi Maloù''' (''Falkland Islands'' o anv [[saoznek]], ''Islas Malvinas'' e [[spagnoleg]] hag ''Îles Malouines'' e [[galleg]]) a zo unan eus [[Tiriadoù Tramor Breizh-Veur]], dezhañ ''Tiriadoù tramor Inizi Falkland'' ''(Overseas Territory of the Falkland Islands)'' da anv ofisiel. [[Stanley (Inizi Maloù)|Stanley]] eo ar [[kêr-benn|gêr-benn]]. Dindan 12 000 km² strewet etre meur a enezenn bras ha bihan ez eus 3&nbsp;000 annezad o chom pell a-walc'h eus daou [[kevandir|gevandir]] : [[Suamerika]] 480 km er [[Kornôg|c'hornôg]] hag [[Antarktika]] e 900 km er [[Su]].

== Istor ==
Spurmantet e oa bet an inizi gant merdeerien [[Bro-Spagn]] e [[1520]] pa vez meneget inizi war ar [[kartenn|c'hartennoù]] spagnat da-c'houde. Adkavet ez int bet un tamm gant Sebald de Weert, ur merdeer izelvroat e [[1600]] a embannas e kouezhe an inizi e kerzh e vro. Merdeerien [[Sant-Maloù]] a zeuas goude hep en em staliañ da vat eno. E 1690, ar merdeer saoz John Strong ne c'hellas ket tizhout aodoù [[Arc'hantina]] hag e tizoloas ar ganol-vor etre an div enez pennañ. An anv roet d'ar [[kanol|ganol-vor]], Falkland, en enor ar 5vet Kont Falkland, hemañ arc'hantaer ar [[beaj|veaj]], a voe roet ivez d'an [[enezeg]] a-bezh gant ar Saozon.

E [[1764]] e teuas ar merdeer gall [[Louis Antoine de Bougainville]] hag e stalias ur c'hamp anvet Port-Louis en enez pennañ er Reter. E penn ar bloaz 1765 e tizoloas ar moraer saoz [[John Byron]] lodennoù an enez kornôg hep gouzout tra eus staliadur ar C'hallaoued hag e embannas kerzh ar Roue saoz [[George III]] war an inizi. E [[1766]] e teuas ar Spagnoled evit skarzhañ ar 115 trevadenner gall kuit. Sevel a reas ar gouarner ur [[chapel]] dediet da Itron Varia an Digenvez (Soledad), met ne chomas ket trevadennerien spagnat goude [[1811]].<br />
E [[1816]] e teuas da vezañ Arc'hantina ur [[stad]] dizalc'h hag e embannas e [[1820]] he gwirioù. Kas a reas trevadennerien e 1826, met distrujet e voe ar staliadur gant ar [[Stadoù-Unanet]] diwar abegoù o tennañ da chaseal ar [[reunig]]ed. O vezañ m'he doa kaset Arc'hantina ur gouarner all e tistroas ar Saozon e [[1833]] hag e kemerjont an enezeg ken ne voe miret gant Arc'hantina nemet e-pad un prantad berr.<br />
E 1914 e oa bet un emgann war vor etre [[morlu|morluioù]] [[Breizh-Veur|saoz]] hag [[Alamagn|alaman]].

E 1982 e tivizas diktatourien Arc'hantina adkemer an enezeg, met goude daou viz e voent trec'het gant [[morlu]] [[Breizh-Veur]]. Sellout ouzh [[Brezel an Inizi Maloù (1982)]].

E miz Meurzh [[2013]] e oa bet dalc'het ur [[referendom]] en enezeg evit gouzout hag-eñ e felle d'an dud chom gant ar statud tiriad tramor Breizh-Veur. 90,8% eus an dud o deus kemeret perzh er vot, 1 vot didalvoud a zo bet, 99,8% o deus votet ya, ha 0,2% nann (3 mouezh). N'eo ket bet degemeret an disoc'h gant Arc'hantina.
[[Restr:Christchurch-Cathedral.jpg|thumb|right| Iliz-Veur Stanley]]

== Douaroniezh ==
3 060 a annezad a oa e 2005.

== Politikerezh ==
* L.L. Ivanov ''et al''. [[wikisource:en:The Future of the Falkland Islands and Its People|''The Future of the Falkland Islands and Its People''.]] Sofia: Manfred Wörner Foundation, 2003. ISBN 954-91503-1-3
* Carlos Escudé y Andrés Cisneros, dir. [https://archive.is/20070528111721/http://www.cema.edu.ar/ceieg/arg-rree/historia_indice00.htm ''Historia general de las relaciones exteriores de la República Argentina''.] Obra desarrollada y publicada bajo los auspicios del Consejo Argentino para las Relaciones Internacionales (CARI). Buenos Aires: GEL/Nuevohacer, 2000 {{es}} ISBN 950-694-546-2

{{Su-Amerika}}
{{Kenglad ar Broadoù}}

[[Rummad:Tiriegezhioù tramor ar Rouantelezh-Unanet|Maloù]]
[[Rummad:Inizi Maloù]]