Gwelet an tarzh evit Punk rock

[[Skeudenn:Punk Fashion collage.jpg|thumb|upright=1.6|''Punk fashion'' — Giz ar bunked]]
Ganet eo ar sonerezh punk er [[Stadoù-Unanet]] e-kerzh ar bloavezhioù 1970 p'en em lakaas ar strolladoù [[rock]] da implij muic'h-mui a vinviji tredan, ha da glask kinnig traoù nevez, gant soñjoù nevez ivez war ar gevredigezh hag ar frankiz, tost eus an [[anarkouriezh]]. Luskadoù evel re ar [[glam-rock]] ([[The New York Dolls]]), an [[new wave]] ([[Patti Smith]], [[Talking Heads]], [[Blondie]]...), hag ar [[Garage (sonerezh)|sonerezh Garage]] ([[MC5]], [[The Stooges]]...) a vez bodet er rumm [[protopunk]], da lâret eo ar pezh en deus maget ar sonerezh punk.

D'ar memes mare koulz lâret e krogas an traoù evit gwir er [[Rouantelezh-Unanet]] gant strolladoù evel [[Buzzcocks]], [[Sex Pistols]], pe c'hoazh [[The Clash]].

Tremenet eo ar sonerezh punk a-dreuz cheñchamantoù a-bep seurt ha roet ivez a-bep seurt doareoù sonerezh all: [[grunge]], [[hardcore]], [[ska-punk]], [[street-punk]].

N'eus ket tu distagañ ar sonerezh punk diouzh familh vras ar rock, ha kemmesket eo darn vrasañ an doareoù sonerezh enni. An diforc'h brasañ etre ar punk hag peurrestr ar rock eo e spered: nevez, dieub, distag diouzh trubuilhoù marc'had ar sonerezh hag o vont kentoc'h war-du ar bobl, an dud. Spered ar sonerezh-mañ a zo a-enep d'ar gizioù, d'ar renkadurezh ha d'ar stad (d.l.e. enep ar polis lies). Lies a garourion ar sonerezh punk a zo punked da lâret eo paotred ha merc'hed gwisket get ur justin lêr tachet (perfecto) pe unr chupenn [[Harrington]] troet, gant bragoù jeans troñset, botoù Paraboots pe [[Dr. Martens]] hag - el rezon - get ur gribenn, forzh piv a c'hell kaout plijadur o selaou ouzh muzik punk.

Peurliesañ e kaozeer eus [[1977]] evel eus ar bloavezh pouezusañ evit ar sonerezh punk dre ma'z eo bet embannet er bloavezh-se un niver bras-kenañ a bladennoù gant strolladoù arouezus e istor ar sonerezh punk, da skouer:
* Plastic Letters ([[Blondie]])
* Spectres ([[Blue Öyster Cult]])
* The Clash ([[The Clash]])
* Damned Damned Damned ([[The Damned]])
* Leave Home ([[The Ramones]])
* Never mind the Bollocks, here's the Sex Pistols ([[Sex Pistols]])
* Radio Ethiopia ([[Patti Smith]])
* 77 ([[Talking Heads]])
* Marquee Moon ([[Television]])

== Strolladoù ==
{| width="80%"
|- valign="top"
|
;{{Breizh-Veur}}
*[[Sex Pistols]]
*[[The Damned]]
*[[The Clash]]
*[[Jam]]
*[[The Stranglers]]
*[[Generation X]]
*[[Buzzcocks]]
*[[Sham 69]]
*[[UK subs]]
*[[GBH]]
*[[Angelic Upstarts]]
*[[Crass]]
*[[The 4 Skins]]
*[[Cockney Rejects]]
|
;{{SUA}}
*[[Patti Smith]]
*[[Television]]
*[[The Ramones]]
*[[Richard Hell]]
*[[Johnny Thunders]]
*[[Dead Boys]]
*[[Dead Kennedys]]
*[[New York Dolls]]
;{{Kebek}}
*[[Jeunesse Apatride]]
*[[Banlieue Rouge]]
|
;{{Breizh}}
*[[Tommyknockers]]
*[[Les Ramoneurs de Menhirs]]
*[[Les Sarkofiottes]]
*[[Billy Bullock and The Broken Theeth]]
*[[Nevrotic Explosion]]
*[[Mass Murderers]]
*[[Tagada Jones]]
*[[Melmor]]
;{{Bro-Skos}}
*[[Oi Polloi]]
;{{Kembre}}
*[[The Opressed]]
*[[This System Kills]]
|
;{{Alamagn}}
*[[Stage Bottles]]
;{{Bro-C'hall}}
*[[Brigada Flores Magon]]
*[[Bérurier Noir]]
*[[Camera Silens]]
;{{Israel}}
*[[Brutal Assault]]
*[[Dead Rabinz]]
*[[Dir Yassin]]
*[[D9]]
*[[Mit'an]]
*[[Mondo Gecko]]
*[[Suckinim Baenaim]]
*[[Shenkin Punx]]
|
;{{Italia}}
*[[Klasse Kriminale]]
*[[Los Fastidios]]
;{{Katalonia}}
*[[Decibelios]]
*[[Opcio k-95]]
;{{Spagn}}
*[[Sin Dios]]
|}

== Is-rummadoù ==
*[[Queercore]]
*[[Riot grrl]]
*[[Taqwacore]]

[[Rummad:Sonerezh rock]]
[[Rummad:Punk]]