Ver o código fonte de "Ácido nucleico"

{{1000 artigos icona título|materia=Bioloxía e Xeoloxía}}
[[Ficheiro:DNA orbit animated.gif|miniatura|Representación 3D do [[ácido desoxirribonucleico|ADN]].]]
Os '''ácidos nucleicos''' son [[macromolécula]]s, [[polímero]]s formados pola repetición de [[monómero]]s chamados [[nucleótido]]s, unidos mediante [[enlace fosfodiéster|enlaces fosfodiéster]]. Fórmanse, así, longas cadeas ou [[polinucleótido]]s, o que fai que algunhas destas moléculas cheguen a atinxir tamaños xigantes (de millóns de nucleótidos de longo), as moléculas máis grandes que se coñecen.

O descubrimento dos ácidos nucleicos débese a [[Friedrich Miescher|Miescher]] que na década de 1860 illou dos [[núcleo celular|núcleos das células]] unha substancia ácida á que chamou ''nucleína'', nome que posteriormente se cambiou a ácido nucleico.

== Tipos ==
Existen dous tipos de ácidos nucleicos: [[ácido desoxirribonucleico]] (ADN) e [[ácido ribonucleico]] (ARN), que se diferencian en:
* O monosacárido ([[pentosa]]) que conteñen: a [[desoxirribosa]] no ADN e a [[ribosa]] no ARN.
* As [[base nitroxenada|bases nitroxenadas]] que conteñen: [[adenina]] (A), [[guanina]] (G), [[citosina]] (C) e [[timina]] (T) no ADN; adenina, guanina, citosina e [[uracilo]] (U) no ARN.
* Nos [[célula eucariótica|eucariota]]s a estrutura do ADN é de dobre cadea, mentres que a estrutura do ARN é monocatenaria, aínda que pode presentarse en forma estendida, como o [[ARNm]], ou en forma pregada, como o [[ARN transferente|ARNt]] e o [[ARN ribosómico|ARNr]].
* A [[masa molecular]] do ADN é xeralmente maior que a do ARN.

As unidades que forman os '''ácidos nucleicos''' son os nucleótidos. Cada nucleótido é unha molécula composta pola unión de tres unidades: un [[monosacárido]] (unha pentosa), unha [[base nitroxenada]] (purínica (adenina, guanina) ou pirimidínica (citosina, timina ou uracilo) e un ou varios grupos fosfato ([[ácido fosfórico]]). Tanto a base nitroxenada como os grupos fosfato están unidos á pentosa.

A unión formada pola pentosa e a base nitroxenada denomínase [[nucleósido]].

== ADN ==
O ADN é bicatenario, está constituído por dúas cadeas polinucleotídicas unidas entre si en toda a súa lonxitude. Esta dobre cadea pode disporse en forma liñal (ADN do núcleo das células eucarióticas) ou en ''forma circular'' (ADN das células procarióticas, así como das mitocondrias e cloroplastos eucarióticos). A molécula de ADN porta a información necesaria para o desenvolvemento das características biolóxicas dun individuo e contén as mensaxes e instrucións para que as células realicen as súas funcións.

== ARN ==
O ARN difire do ADN en que a pentosa dos nucleótidos constituíntes, no canto de desoxirribosa é ribosa, e en que en lugar das catro bases A, G, C, T aparece A, G, C, U, (é dicir, uracilo no canto de timina). As cadeas de ARN son máis curtas que as de ADN. O ARN está constituído case sempre por unha única cadea (é monocatenario).

Mentres que o ADN contén a información, o ARN actúa de mensaxeiro de dita información para dar lugar á síntese de proteínas.

== Véxase tamén ==
=== Outros artigos ===
* [[Termodinámica dos ácidos nucleicos]]

=== Ligazóns externas ===
* [http://nar.oxfordjournals.org/ Revista Nucleic Acid Research] {{en}}.

{{Ácidos nucleicos}}
{{Control de autoridades}}

[[Categoría:Ácidos]]