Recensetur Ordo Fratrum Minorum Conventualium

[[Fasciculus:Monaco andante.JPG|thumb|Franciscanus Conventualis [[Asisium|Asisii]]]]
'''Ordo Fratrum Minorum Conventualium''' ([[Index siglorum ordinum ecclesiae catholicae|Sigla]]: '''O.F.M.Conv.''' sive '''O.Min.Conv.'''), ad * [[Ordines Franciscani|Ordines Franciscanos]] pertinet. [[Religiosus|Religiosi]] huius ordinis etiam ''Minoriti'' (in terris linguae Theodiscae), ''Fratres Grisei'' (''Grey Friars'' in terris linguae Anglicae) vel ''Chordati'' (''Cordelier'' lingua Francogallica) appellantur.

Ordines Franciscani ex tribus ramis compositi sunt, scilicet ex ordinibus virorum, feminarum et tertio ordine Franciscano. Anno [[1517]] ordo virorum olim a [[Sanctus Franciscus Assisiensis|Sancto Francisco Assisiensi]] conditus in duos (et postea in tres) ordines [[sui iuris]] divisus est,  in ''Minoritas'' et ''Observantes'',  qui nomen [[Ordo Fratrum Minorum|Fratrum Minorum]] retinuerunt. 

== Structura ordinis ==
Curia ordinis generalis est [[Roma]]e in conventu prope [[Ecclesia Sanctorum XII Apostolorum|ecclesiam Sanctorum XII Apostolorum]], locus medius spiritalis est ''Sacer Conventus Assisiensis'' ([[monasterium]] Conventualium [[Asisium|Asisii]]). Minister Generalis ex mense Maio [[2019]] est [[Carolus Trovarelli]] [[Argentinia|Argentinus]]. 

His diebus (status 2018) ordini sunt 30 provinciae, 18 custodiae, 460 monasteria et 4048 fratres toto orbe terrarum. Communitas ergo minor est quam illa Fratrum Minorum aut [[Ordo Fratrum Minorum Capuccinorum|Cappuccinorum]], qui postea ab ordine Fratrum Minorum separati sunt. Fratres in [[paroecia|paroeciis]], [[schola|scholis]] et multis aliis locis serviunt. Proprium ordinis est vita communis et apostolatus urbanus.

Conventuales privilegio gaudent sepulcra Sancti Francisci Asisii et [[Antonius Patavinus|Sancti Antonii]] [[Patavium|Patavii]] colendi. 

== Habitus ==
Conventualium habitus ex tunica tenui funiculo (sive ''chorda'', inde ''Chordati'') albo circa ventrem alligata constat, paenula in fronte rotunda pone in acutum desinente addita. Color sive niger sive griseus esse potest.

== Conventuales noti ==
Poeta [[Angelus Silesius]] (1624–1677), postquam se [[Ecclesia Catholica Romana|Ecclesiae Cathlicae Romanae]] adiunxit, in ordinem Fratrum Minorum conventualium intravit. Inter Conventuales notissimos est [[Maximilianus Kolbe]] (1894–1941), qui in [[castra carceralia|castris carceralibus]] [[Auschwitz (castra carceralia)|Auschwitz]] pro patre familiae sua sponte mortem obiit. 

{{NexInt}}
* [[Ordines Mendicantes]]

== Nexus externi ==
*[https://www.ofmconv.net/en/ pagina ordinis domestica]

[[Categoria:Ordines Franciscani]]
[[Categoria:Ordines mendicantes]]