Bekiek brón van Ukkel

{{dialek|Valkebergs}}
[[Image:Uccle Brussels-Capital Belgium Map.svg|thumb|right|Liegking van Ukkel in 't Brussels Hoofsjtaejelik Gewes]]
'''Ukkel''' ([[Frans]]: ''Uccle'') ies 'n gemeinte in 't [[Brussels Hoofsjtaejelik Gewes]]. De gemeinte liek ten zuje van [[Brussel]]-centrum. Ze haet 'n oppervlak van 22,91 km², 't aantal inweunersj ies 75.169 (1 juli 2005). Ukkel ies nao Brussel de groatste gemeinte in oppervlakte van 't gewes, nao aantal inweunersj sjteit 't op de veerde plaats.

==Functies==
Ukkel ies veural 'n woongemeinte, mèt hoofzakelik residentieel wieke. De landboew waor vreuger e belangriek besjtaonsmieddel, meh tegewoordig ies de deenstesector 't belangrieks. Dao ies ouch get industrie, woa-ónder [[electronica]]. In Ukkel zint 't ''[[Koninklijk Meteorologisch Instituut]]'' ([[KMI]]) mèt de keuninklike sjterrewach van [[Belsj]] en 't ''Belgisch Instituut voor Ruimte-Aëronomie'' (BIRA) gevestig.

==Aanziech van de gemeinte en bezeenswaerdighede==
[[Image:Ortodox Church Brussels Luc Viatour.JPG|thumb|right|Russisch-orthodoxe kèrk in Sint-Job]]
'n Deil van 't [[Zoniënwoud]] liek op 't gróndgebeed van Ukkel. Dao zint väöl villawieke, en ouch e paar buurte mèt 'n volkser karakter, wie Sint-Job en Calevoet. 

De Sint-Pieterskèrk, in de ouw dörpskern, ies geboewd in [[classicisme|classicistische sjtiel]]. De kapel van Onze-Lieve-Vrouw-ter-Nood van Stalle ies [[gotiek|gotisch]]. D'n arsjitek [[Henry Van de Velde]] boewde in Ukkel veur ziechzelf de ''Villa Bloemenwerf'' ([[cottagesjtiel]]- [[art nouveau]]). ''Villa van Buuren'' (1928) mèt 'n interieur in [[art deco]] en 'n sjileriejecollectie ies noe 'n museum. In Sint-Job liek 'n Russisch-orthodoxe kèrk. In 't Wolvendaalpark (18 ha) liek 'n paviljoen in [[Lowie XV van Frankriek|Lowie XV]]-sjtiel.

==Historie==
De gemeinte Ukkel óntsjtóng in [[1795]], wie Ukkel mèt de liènrechte [[Carloo]] en [[Stalle]] woort samegevoog. Rónd 1900 waor 't groatste deil van Ukkel nog landelik en Nederlandstalig. Wie Ukkel ummer miè 'n ónderdeil woort van de agglomeratie Brussel greujde de bevolking explosief en verfransde de plaats.

==Gebore in Ukkel==
*[[Olivier Strebelle]] (1927), beeldhouwer
*[[Geert van Istendael]] (1947), sjriever
*[[Axel Merckx]] (1972), fietsrenner
*[[Mathilde d'Udekem d'Acoz]] (1973), prinses van Belsj

==Externe link==
*[http://www.uccle.be Officieel site van de gemeinte]

{{commons|Category:Uccle|Ukkel}}
{{GemeintesBHG}}

[[Categorie:Plaatse in Brusselse Gewes]]