Ännern vun Thebe (Maand)

'''Thebe''' (ok ''Jupiter XIV'') is en lütten [[Maand (Astronomie)|Maand]] vun den Planeten [[Jupiter (Planet)|Jupiter]]. Dat is de veertneegste an’n Jupiter un warrt to de [[Amalthea-Grupp]] tellt.

== Opdecken ==
De lütte Maand is an’n 5. März 1979 vun den Astronomen [[Stephen P. Synnott]] opdeckt worrn. He harr den Maand op Biller funnen, de vun de [[Ruumsond]] ''[[Voyager 1]]'' maakt weern, as de an’n Jupiter vörbiflagen is. Toeerst hett de Maand de vörlöpig Beteken S/1979&nbsp;J&nbsp;2 kregen. 1983 is he denn offiziell nöömt worrn na en Nymphe [[Thebe (Mythologie)|Thebe]] ut de greekschen Mythologie.

== Ümloopbahn ==
Thebe bewegt sik binnen vun de Jupiter-Ringen mit en middleren Afstand vun 221.900 km. De Bahn is man blots en beten gegen den Planeten-Äquater neegt, nipp un nau üm 1,08[[Grad (Winkel)|°]]. De [[Exzentrizität]] vun de Bahn is mit 0,0176 nich so bannig groot. 

== Opbo un physikaalsch Egenschoppen ==
De Maand hett en middleren [[Dörmeter]] vun 99 km, is aver nich as en Kugel, man en beten wat in de Läng togen mit Afmeten vun ungefäähr 110 x 90 km. De middlere Dicht warrt mit 3,0 g/cm³ en angeven. De [[Albedo]] is mit 0,047 teemlich düster – blots ruchweg 5[[Prozent|%]] vun dat infallend Sünnenlicht warrt wedder reflekteert. För en [[Rotatschoon (Physik)|Rotatschoon]] üm de egen [[Dreihass|Ass]] bruukt Thebe 16 Stünnen un 12 Minuuten. As de meisten Maanden hett ok Thebe en [[Bunnen Rotatschoon]].

In’n Januar 2000 hett de Ruumsond ''[[Galileo (Ruumsond)|Galileo]]'' Biller vun den Maand maakt. Dorop sünd tomindst dree bannig grote [[Impakt]]kraters op to sehn.

{{Navigatschoonsliest Jupitermaanden}}

[[Kategorie:Maand]]
[[Kategorie:Jupiter]]