D'Tegschd vun Ludwigshafen am Rhein oagugge

{{DISPLAYTITLE:Ludwichshafe}}
{{Infobox Gemeinde in Deutschland
|Name                 = Ludwichshafe
|Name_amtlich         = Ludwigshafen am Rhein
|Art                  = Stadt
|Wappen               = DEU Ludwigshafen COA.svg
|lat_deg = 49 | lat_min = 29| lat_sec = 52
|lon_deg = 08 | lon_min = 26| lon_sec = 07
<!--|Breitengrad       = 49/29/52/N
|Längengrad           = 8/26/07/E-->
|Lageplan             = Rhineland-Palatinate LU.svg
|Lageplanbeschreibung = Lag vun de Schdad Ludwichshafei
|Bundesland           = Rhoilond-Palz
|Landkreis            = Ludwighafe
|Höhe                 = 96
|Fläche               = 77.55
|Einwohner            = 163832 
|PLZ                  = 67059–67071
|PLZ-alt              = 6700
|Vorwahl              = 0621<br />06237 (Ruchheim)
|Kfz                  = LU
|Gemeindeschlüssel    = 07314000
|Gliederung           = 10 Ordsb'ziag
|Adresse              = Rathausplatz 20<br />67059 Ludwigshafen am Rhein
|Website              = [http://www.ludwigshafen.de/ www.ludwigshafen.de]
|Bürgermeister        = Jutta Steinruck
|Bürgermeistertitel   = Oberbürgermeister
|Partei               = SPD
|DIAFAM               = [[Rhoifrängisch]]
|DIALECT              = [[Pfälzisch|Pälzisch]]
|DIAREG               = [[Vorderpfälzisch|Voadapälsisch]]
|DIALOC               = 
|DIAACT               = 
}}
'''Ludwichshafe''' (aa ''Ludwigshafe''; spettisch aach ''Lumbehaafe''; amtlisch ''Ludwigshafen am Rhein'') is die gräschde Schdadt in de [[Pfalz (Region)|Palz]]. Uff de anner Seit vum [[Rhein|Rhoi]] lischt [[Baden-Württemberg|Bade-Wirddebärsch]] und die [[Kurpfalz|Kurpalz]]. Vun de Pälzer werd die Schdadt in Olehnung an die [[Anilin]] a gern Lumpehafe geneent. Besonners in de [[Fasnacht]] kummt des dann immer widder.

== Logo ==
[[Datei:Wort-bildmarke ludwigshafen.jpg|thumb|left|naijes Logo]]
Logo vunde Schdadt war als es Wabbe - wie dann sunschd. Awwa mär wolld äbbes modärnes. Desdeweje hod die Schdadt haid, om 21. 11. 2011, unnam Moddo "Symbadie als Maagezaische" än naijes Logo griehd: ''"ein Logo, das selbstbewusst die Haltung der Stadt ausstrahlt und ihr ein neues Gesicht gibt: Das neue Gesicht für Ludwigshafen – Stadt am Rhein"''<ref>Owwabojamääschdarin Eva Lohse baide Voaschdällung om 21. 11. 2011</ref><ref>[https://web.archive.org/web/20111123164447/http://www.ludwigshafen.de/aktuell/pressemeldungen/pressemeldungen_single_view/news/sympathie-als-markenzeichen Presseberichd vunde Schdadt]</ref> 

Hinnagrund is de Vasuch, die Schdadt mea onde Rhoi rigge zu losse un so de Induschdrieriggong dorch Hannlszunahme auszuglaiche un die Inneschdadt adragdiewa zu mache - oogfange mim Rhoicenda.

Es Wabbe blaibd desse uugeachd'd bschdeje.

Seidm Weggsel vunde Owwerberschermeeschderin zum erschde Januar 2018 werd blos noch die Schrifft vunn dem neie Logo genumme, awwer nimmi des Bild. Am 9. Janar is entschiede worre, ''"dass die Wort-Bildmarke sukzessive auslaufen soll und ab sofort nur noch die Wortmarke 'Ludwigshafen am Rhein' als Logo der Stadt Ludwigshafen am Rhein genutzt werden soll."''

== Geografische Ohgawe ==
Geografisch isses ganz äfach zu lokalisiere, weil se am Rhoi liggd und wenn ma's donn gfunne hot, dann find ma a Ludwichshaafe. Im Atlas konn ma nochgucke, des is 49°29´nördlicher Längegrad unn 8°27´vum östliche Breidegrad. Im Durschschnitt liggd es Ganze ebbes iwwer 96 Meter iwwerm Meeresschpiggel. Awwer es gibt hehere Ortsdeele wie die Gaadeschdadt odder a niedrischere wie Oggerschm.

== Ortsdeele ==
Ludwichshafe kammer in 10 Bezirge uffdeele, un die kammer dann widder deele:
* [[Obba]] (mit [[Edigumm]] un de [[Pingschdweed]])
* [[Oggerschm]] (mit Melm)
* [[Friesnem]] (mit de Froschlaach)
* [[Maudach]]
* [[Gaadeschdadt]] (mit Hoch- un Niederfeld un de Reutersiedlung) 
* [[Munnerem]]
* [[Rhoigennem]]
* [[Ruchem]]
* die [[Nerdlisch Innestadt]] (mit de Ortsdeele West, Nord unn [[Hemshof]])
* die [[Siedlisch Innestadt]] (mit de Ortsdeele Sied, Mitte unn Parkinsel)

== Gschichde - E ganz jungi Schdadt ==
[[Datei:Ludwigshafen RathausCenter (1).jpg|thumb|160px|left|Des Radhaus vun Ludwigshafe]]
Dodebei is Ludwichshafe nett emol e aldi Schdadt, sonnern eischentlich ganz jung... 2003 hot se ihrn 150. Geburtstaach gfeiert. Awwer des liggt net dro, dass do friher bloß Feld war, sonnern dodro, dass die meischde Schdadtdeele ehwe schun alt sinn, aber erscht speet eigemänt worre sinn.

Nóóm Wiena Kongreß is die linksrhoinisch Palz zu Bayern kumme unn 1820 is uff de Monnema Schanz ä priwades Hondlshaus endschdonne, des wos Keenischraisch 1843 kaafd hod un zamme midärre Óólehschdälle em Keenisch Ludwich I. vun Bayern zu Ehre Ludwichhafe genennd un bsiedld hod. Nain Joa schbäda waas ä selbschdännisch Gmäänd mid 366 ha: 240 ha vun Friesnemm un 126 ha vun Munnerem. Bääd Odd sin schbäda oigmäänd worre. 1852 König Maximilian II. Ludwichshafe die Rechde vunäre Gmää valije:

:„Seine Majestät der König haben die Bildung einer eigenen politischen Gemeinde Ludwigshafen, bestehend aus den Ansiedlungen zu Ludwigshafen, den Hemshöfen, dem Ganter- und Rohrlachhofe, so dann der Gräfenau, ferner die Bannabteilung zwischen den Gemeinden Friesenheim, Mundenheim und Ludwigshafen allergnädigst zu genehmigen geruht.“
Om 8. November 1859 is die Gmäänd Ludwichshafe zunärre Schdadt erhowen worre.

Die meischde Schdadtdeele sinn im Basisverzeischnis vumm [[Kloschder Lorsch]] (an der [[Bergstroos]]) verzeechent un ewe a do zum erschte Mol erwähnd. Oggerschumm iss 769 gegrind worre, Munnerrem und Maudach dann 770, Friesenem un de Hemshof 771. Edigumm gibts seid 772 und Obba glei newedro seid 808. Rhoigennem werd 831 im Goldene Buch vun de Abtei prüm in de Eifel ins Regischter uffgenumme, un Ruchem erst am Ofang vum 10 Jahrhunnert, weils de Abtei Weißeburg geheert hot. Erscht 1853 is die Gemeend Ludwichshafe entstanne ungefähr do, wo jetzt de Stadtdeel Mitte iss.

== Induschdrieschdadt ==
In Ludwichshafe gibts a kää Schloss oddä soebbes ähnlisches, des iss mehr ä Induschdrischdadt - un aach des nuch nid so long – ä longi Zaid waas's greeschde Dorff vun Daitschlond. Seit iwwer hunnertfuffzisch Johr (seit 1856) gäbds do die [[Anilin]] (in Hochdeutsch BASF), wo di Aniliner drin schaffe. Fast ganz Lumpehafe schafft do drin un aa noch die halwe Umgewung. Intresand iss, daß die Ainlin eischentlich gar net do hätt gebaut werre solle, sondern uff de anner Seit vum Rhoi. Deswege hässt se jo ach '''''B'''adische '''A'''nilin unn '''S'''oda-'''F'''abrik'' (BASF). Awwer die do driwwe wollten se net wege dem Dreck. Jetzt hänn se de Dreck, aber Ludwichshafe hot die Oinahme. Awwer s gibt a noch die Raschig unn de Äbbot un annere Firme do.

== Pardnerschdädt ==

Ludwichshafe hot mit siwwe annere Schdädt ä Schdädtepartnerschawd gschlosse:
* Pasadena ([[USA]]) said 1948
* Lorio ([[Frongraisch]]) said 1963
* Hewaring ([[Englond]]) said 1971
* Sumgaid ([[Aserbaidschan]]) said 1987
* Dessau ([[Saksä-Aahald]]) said 1988 (said 2007 heesd des Dessau-Rosslau)
* Andwerbe ([[Belgje]]) said 1999
* Gaziantep ([[Tirkai]]) said 2012

== Beriehmte Lait ==
* De [[Helmut Kohl]] is in Ludwichshafe gebore und Ehrebürger. Bekannt worre isser als [[Bundeskanzler]] vun de [[Daitschlond|Bundesrepublik Deitschland]]. In sei Regierungszeit is Deitschland widdervereinischd worre.
* De [[Ernst Bloch]] ist aach in Ludwichshafe gebore und Ehrebürger. Der is später Philosof geworre un hats Prinzip Hoffnung geschriwwe. Va ihn iss Ludwichshafe soi "Se(e)hschdadt" gewese.
* Net in Ludwichshafe gebore, awwer a bekonnt is die [[Hemshof-Friedel]]. Mit Stroße- unn Wertschaftsmusik hat se's gschafft, e echtes Original in de Stadt zu werre, die zwische [[Derkemer Worschdmaagd|Worschtmarkt]] unn Parkfescht jedes kennt.
* De [[Werner Ludwig]] hot's gschafft achezwanzisch Johr lang Owwerberschermeeschder vun Ludwichshafe zu bleiwe. 
* De [[Kurt Biedenkopf]] is in Ludwichshafe gebore. Minischderpräsident isser awwer bei de [[Saksä|Sachse]] worre.

== Websaide ==
{{Commonscat|Ludwigshafen am Rhein|{{PAGENAME}}}}
{{Wikisource|Ludwigshafen am Rhein|{{PAGENAME}}}}
* [http://www.ludwigshafen.de/ Said vun Ludwichshafe]

== Äänzlnoowaise ==
<references />


{{NaviBlock
|Navigationsleiste Metropolregion Rhein-Neckar-Dreieck
|Navigationsleiste Landkreise und kreisfreie Städte in Rheinland-Pfalz
}}

[[Kategorie:Ludwichshafe]]