Kacu tekst Moskv

{{1000}}{{A10000}}
{{Venälaižen Federacijan subjekt
|Nimi           = Moskv
|Venälaine nimi = Москва
|Flag           = [[Fail:Flag of Moscow, Russia.svg|150px|Moskvan flag]]
|FSCoA          = [[Fail:Coat of Arms of Moscow.svg|110px|Moskvan lidnanznam]]
|FlagLnk        = Moskvan flag
|CoALnk         = Moskvan znam
|FSMap          = [[Fail:MSK Collage 2015.png|300px|]]
|FSCtrWhat      = Administrativine keskuz
|FSCtrNm        = '''Moskv'''
|AreaRnk        = 83
|TotArea        = 2561.5
|WaterPrcnt     = 
|PopRnk         = 1
|Eläjiden lugu  = 12,506,468
|PopCtDate      = 2018
|PopDens        = 4882.5
|GDPRnk         = 1
|GDP            = 14 299,8
|GDPCtDate      = 2016
|GDP(PPP)       = 1 157,4
|FedDistrNm     = Keskuzline
|EcRegNm        = Keskuzline
|OfLangs        = [[venän kel']]
|HeadTtl        = Lidnan pämez'
|HeadNm         = [[Sobänin Sergei|Sergei Sobänin]]<br/>(reduku 2010—)
|ViceTtl        = Ohjastusen pämez'
|ViceNm         = ''hän-žo''
|LegislTtl      = Lidnan Duman ezimez'
|LegislNm       = Aleksei Šapošnikov
|FSAnthem       = ''[[Moskvan gimn|«Minun armaz pälidn» («Minun Moskv»)]]''
|Domain         = 
|Telefonkod     = +7-495-, 496-, 498-, 499-xxx-xxxx
|CadNo          = 77, 97, 99, 177, 197, 199, 777
|MSK            = [[UTC]]+3 ([[MSK]])
}}
[[Fail:Map of Russia (2014–2022) - Moscow.svg|thumb|right|250px|Lidnan-regionan sijaduz valdkundan kartal]]
'''Moskv''' ([[venän kel'|venäkelel]]: ''Москва'' [mɐˈskva]) om [[Venäma|Venälaižen Federacijan]] pälidn, federaližen alištusen lidn da vägilidn. Moskv om Venälaižen Federacijan da [[Evrop]]an kaikiš suremb lidn ristituiden lugun mödhe: vn 2018 1. päival vilukud Moskvan eläjiden lugu om 12 506 468 eläjad. Lidn om Moskvan aglomeracijan keskuz (enamba 16,7 mln rist. vl 2016). Moskv mülüb [[Ma]]n 10 kaikiš järedambiden lidnoiden nimikirjuteshe.

Lidn om [[Federaline Keskuzümbrik|Federaližen Keskuzümbrikon]] administrativine keskuz, mugažo [[Moskvan agj]]an üks' administrativižiš keskusišpäi (iče Moskv ei mülü sihe agjaha).

== Keled ==
Valdkundkel' om üks'jäine — [[venäkel']].

== Istorii ==
[[Dolgorukii Jurii|Jurii Dolgorukii]]-ruhtinaz pani Moskvan lidnan alust vodel 1147. Jäl'ghepäi lidn oli Suren Moskvan Ruhtinazkundan, Venälaižen kunigazkundan (1389−1713), [[Venälaine Imperii|Venälaižen Imperijan]] (1728−1732), Nevondkundaližen Venäman (vspäi 1918) da [[Nevondkundaline Ühtnend|NSTÜ:n]] istorine pälidn. Vspäi 1991 Moskv om nügüdläižen Venäman pälidnaks.

Moskv om olmas nügüdläižiš röunoiš vs 2012 heinkun 1. päiväspäi.

Moskvan Päkäskuz<ref>[http://constitution.garant.ru/region/ustav_moskv/ Moskvan Päkäskusen tekst. — ''Constitution.garant.ru''.] {{ref-ru}}</ref> om vahvištadud vn 1995 28. päiväl kezakud da om väges nügüd' äiluguižidenke vajehtusidenke.

== Geografijan andmused ==
Moskvan sijaduz om [[Päivnouzmaine Evropan alangišt|Päivnouzmaižen Evropan alangišton]] keskuses, [[Okanjogi|Okan]] i [[Volg]]an jogiden keskes, [[Moskvanjogi|Moskvanjogen]] keskjoksmusen molembil randoil.

Lidn-region röunatab [[Kalugan agj]]anke suvipäivlaskmas, om ümbärtud [[Moskvan agj]]al toižiš polišpäi. Moskv om valdmererandatoi.

Pind om 2 561 km², sidä kesken koumandez' (870 km²) sijadase [[Moskvan ümbärte]]n südäimes. [[Mec]] da [[penzhišt]] ottas 343 km² ümbärten südäimes, mugažo om äi tahoid uziš rajoniš. Kaik joged mülüdas [[Moskvanjogi|Moskvanjogen]] basseinha, sidä kesken [[Jauz]], [[Shodn' (jogi)|Shodn']], [[Setun' (Moskvan alaližajogi)|Setun']], [[Pahr]] da toižed. Enamba 20 sildad om saudud päliči Moskvanjoges lidnan röunoiš. Läz 400 uitoid om Moskvas.

Reljef om kukhikaz. Kaikiš korktemb čokkoim om Lämän Stanan ülüden pä, se sijadase Moskvan ümbärten suvipäivlaskmas sen südäimes (255 m ü.m.t.). Kaikiš alahaižemb om Moskvanjogen kendäk päivnouzmas (114 m ü.m.t.).

Klimat om [[ven vö|ven]] kontinentaline, voz'aigad ozutadas sel'ktas. Voden keskmäine lämuz om +6,3 C°, kezakun-elokun +17,3..+19,7 C°, tal'vkun-uhokun −4,4..−6,2 C°. Ekstremumad oma −42,1 C° i +38,2 C°. Kezaaigan minimum om −2,3 C°, tal'vaigan maksimum om +9,6 C°. Voib panda halad kezaaigan päiči heinkus. Paneb sadegid 713 mm vodes, enamba kezakus-redukus (66..84 mm kus), vähemba uhokus-sulakus (37..44 mm kus).

Londuseližed varad oma [[sauvondmaterialad]] ([[savi|saved]], [[lete|letked]]), [[vezi|reskvezi]].

== Tobmuz ==
[[Fail:Municipality Duma Moscow Russia.jpg|thumb|right|250px|Moskv-lidnan Duman ištundsija]]
[[Sobänin Sergei|Sergei Sobänin]] radab lidnan pämehen vs 2010 redukun 21. päiväspäi. Kaik rahvaz änestab händast videks vodeks, strokuiden lugu om röunatusita. Lidnan pämez' om mugažo Moskvan ohjastusen pämez', hän märičeb sen strukturad i paneb Ohjastusen ministrid da toižid ühtnijoid radnikusile. Moskvan prefekturiden pämehed taughudas ohjastusen rados ministriden rangas.

Moskvan üks'kodine parlament om Lidnan Dum. Kaik rahvaz valičeb sen 45 ezitajad videks vodeks. [[Šapošnikov Aleksei|Aleksei Šapošnikov]] radab Duman ezimeheks vn 2014 sügüz'kun 24. päiväspäi.

Radonoigendai tobmuz om Moskvan Ohjastuz. Lidnan departamentad, ohjandused, komitetad, laudkundad da inspekcijad alištudas Ohjastusele.

Vn 2013 8. päiväl sügüz'kud valitihe lidnan pämest, [[Sobänin Sergei|nügüdläine mer]] sai vägestust ezmäižel tural (51,37 % änid) da radab kahtenden strokun. Lidnan Duman ühtnijoiden järgenduseližed valičendad oliba vn 2014 14. päiväl sügüz'kud (6. kucund).

Ičeze administrativiž-territorialine jagand, lidnanznam, flag da gimn oma Moskval. Venäman federaližed valdkundaližed aluzkundad sijadasoiš Moskvas (vaiše üks' niiden erind — Venälaižen Federacijan konstitucine käskuzkund — sijadase [[Piter]]iš), mugažo sijaližen tobmuden aluzkundad da verhanmaiden sur'oigenduzkundad.

== Administrativine jagand ==
[[Fail:Msk all districts.svg|thumb|right|250px|Moskvan administrativine jagand]]
Moskv jagase 12 nimitadud ümbrikoks:
# [[Administrativine Keskuzümbrik (Moskv)|Keskuzümbrik]]
# [[Pohjoine administrativine ümbrik (Moskv)|Pohjoine]]
# [[Pohjoižpäivnouzmaine administrativine ümbrik (Moskv)|Pohjoižpäivnouzmaine]]
# [[Päivnouzmaine administrativine ümbrik (Moskv)|Päivnouzmaine]]
# [[Suvipäivnouzmaine administrativine ümbrik (Moskv)|Suvipäivnouzmaine]]
# [[Suvine administrativine ümbrik (Moskv)|Suvine]]
# [[Suvipäivlaskmaine administrativine ümbrik (Moskv)|Suvipäivlaskmaine]]
# [[Päivlaskmaine administrativine ümbrik (Moskv)|Päivlaskmaine]]
# [[Lodehline administrativine ümbrik (Moskv)|Lodehline]]
# [[Zelenogradan administrativine ümbrik (Moskv)|Zelenogradan]]
# [[Troickan administrativine ümbrik (Moskv)|Troickan]]
# [[Uden Moskvan administrativine ümbrik (Moskv)|Uden Moskvan]]

Ümbrikod alajagasoiš rajonihe päiči Troickan i Uden Moskvan ümbrikoiš. Kaik om 125 rajonad. Troickan da Uden Moskvan ümbrikod mülütadas 21 kundad, ned — 289 žilod da küläd.

Nell' südäilidnad sijadasoiš rajoniš: [[Moskovskii (lidn)|Moskovskii]], [[Ščerbink]], [[Zelenograd]], [[Troick (Moskv)|Troick]].

== Eläjad ==
Vn 2010 Venäman rahvahanlugemižen mödhe eläjiden lugu oli 11 503 501 ristitud<ref>[http://www.gks.ru/free_doc/new_site/population/demo/perepis2010/svod.xls Venäman kaikenaigaine ristitišt vl 2010. — Rosstat (''gks.ru'').] {{ref-ru}}</ref>, sidä kesken 24 [[vepsläižed|vepsläšt]]<ref>[http://www.gks.ru/free_doc/new_site/perepis2010/croc/Documents/Vol4/pub-04-23.pdf Население коренных малочисленных народов Российской Федерации по родному языку по отдельным субъектам (Venälaižen Federacijan igähižiden vähäluguižiden rahvahiden ristitišt mamankelen da subjektan polhe) // Rosstat (''gks.ru''). — Lp. 21.] {{ref-ru}}</ref>. Kaikiš suremb ristitišt om nügüd'. Läz kaik eläjad oma lidnalaižed (99 %).

Rahvahad (enamba 0,3 % vl 2010): [[venälaižed]] — 86,3 %, [[ukrainalaižed]] — 1,3 %, [[totarlaižed]] — 1,3 %, [[armenijalaižed]] — 0,9 %, [[azerbaidžanlaižed]] — 0,5 %, [[evrejalaižed]] — 0,5 %, [[vaugedvenälaižed]] — 0,3 %, [[gruzijalaižed]] — 0,3 %, [[uzbekalaižed]] — 0,3 %, toižed rahvahad — 3,5 %, rahvahuden ozutandata — 5,8 %.

== Mel'heižtahod ==
Moskv om Venäman znamasine turistine keskuz. [[Moskvan Kreml']] da [[Rusked torg]], toižed kul'turan da arhitekturan muštpachad mülüdas [[UNESCO|UNESCO:n]] Mail'man jäl'gusen nimikirjuteshe.

== Transport ==
Moskv om jalos znamasine transportsol'm. Kaik om kuz' lendimportad lidnas, ühesa päraudtestancijad, koume jogiportad. [[Sapsan (elektrojonuz)|Sapsan-üläkiruhjonused]] ajadas [[Piter]]in da Moskvan (Leningradan päraudtestancii) keskes.

Vodespäi 1935 [[Moskvan metropoliten]] radab pälidnas (vl 2018 om 14 jonod, 214 stancijad, 365 km raudted). Mugažo avtobusad, trolleibusad, tramvaid, lidnelektrojonused da taksid oma kundaližeks transportaks lidnan südäimes. [[Moskvan ümbärte]] oli lidnan röunaks vhesai 1980.

== Sport ==
1980. vodel [[Kezaolimpiad-1980|Kezaolimpižed vändod]] mäniba Moskvas.

== Galerei ==
<gallery mode="packed" heights="125px">
St Basils Cathedral-500px.jpg|[[Pühän Vasilijan päjumalanpert']], vn 2004 nägu
Moscow Bolshoi Theatre 2011.JPG|[[Bol'šoi Teatr]] (2011)
Russia-Moscow-Cathedral of Christ the Saviour-3.jpg|[[Hristos-Sündun päjumalanpert']], vn 2005 nägu
0 4707b 6549aa91 spasskaya.jpg|[[Spasskai-čuhunduz]] (2010)
Moscow-city-MIBC.jpg|[[Moskv-Siti]] vl 2016
</gallery>

[[Fail:Moscow pano.jpg|thumb|center|850px|<center>Moskvanjogen nägu vl 2006</center>]]

== Tetabad ristitud ==
;Sündnuded
* [[Berezuckii Aleksei|Aleksei]] da [[Berezuckii Vasilii|Vasilii]] Berezuckijad (sünd. 1982) — Venäman futbolistad, vellesed-kaks'jaižed.
* [[Gagarina Polina|Polina Gagarina]] (sünd. 1987) — Venäman pajatai naine.
* [[Glükoza (pajatai naine)|Glük'oZa]] (Natal'ja Čistäkova-Ionova) (sünd. 1986) — Venäman kinoaktris da estradan pajatai naine.
* [[Hasikov Batu|Batu Hasikov]] (sünd. 1980) — Venäman kikbokser, enzne Kalmikijan parlamentan ezitai (2008−2012).
* [[Makarevič Andrei|Andrei Makarevič]] (sünd. 1953) — Nevondkundaližen Ühtištusen i Venäman bard, pajatai mez', muzikankirjutai, pirdai da TV-vedai.
* [[Malikov Dmitrii|Dmitrii Malikov]] (sünd. 1970) — Nevondkundaližen Ühtištusen i Venäman pajatai mez' da muzikankirjutai.
* [[Mironov Andrei|Andrei Mironov]] (1941−1987) — oli Nevondkundaližen Ühtištusen kinon akt'or da pajatai.
* [[Nüša]] (Nüša Šuročkina) (sünd. 1990) — Venäman pajatai naine.
* [[Pugačova Alla|Alla Pugačova]] (sünd. 1949) — Nevondkundaližen Ühtištusen i Venäman estradan pajatai naine da prodüser.
* [[Puškin Aleksandr|Aleksandr Puškin]] (1799−1837) — oli Venälaižen imperijan runokirjutai da kirjutai.
;Elänuded
* [[Papanov Anatolii|Anatolii Papanov]] (1922−1987) — oli Venäman akt'or.

== Homaičendad ==
<references />

== Irdkosketused ==
;Tobmuz
* [http://www.mos.ru/ Moskv-lidnan pämehen da ohjastusen oficialine sait (''mos.ru'').] {{ref-ru}} {{ref-en}}
* [http://duma.mos.ru/ Moskv-lidnan Duman oficialine sait (''duma.mos.ru'').] {{ref-ru}} {{ref-en}}
;Toižed
* [http://moscow.ru/ Moskvan rahvahidenkeskeine portal (''moscow.ru'').] {{ref-ru}} {{ref-en}} {{ref-de}} {{ref-fr}} {{ref-es}} {{ref-zh}}
* [http://moskva.kotoroy.net/ Moskv, kudambad ei ole jo. Istoriž-kul'turine projekt (''moskva.kotoroy.net'').] (venäkelel)
* [http://msk.newsru.com/ Moskvan uzištused (''msk.newsru.com'').] (venäkelel)
{{Commons|Moscow}}

{{Moskv}}
{{Venälaižen Federacijan subjektad}}
{{Venälaižen Federacijan subjektoiden pälidnad}}
{{Evropan pälidnad}}
{{Nece kirjutuz Vepsän Vikijas|[http://veps-kir.wikia.com/wiki/Москв Москв]}}

[[Kategorii:Moskv| ]]
[[Kategorii:Venäman lidnad]]
[[Kategorii:Venäma]]
[[Kategorii:Eländpunktad kirjamišton mödhe]]
[[Kategorii:Pälidnad]]
[[Kategorii:Moskvan agj|*]]