Kacu tekst Tambovan agj

{{Venälaižen Federacijan subjekt
|Nimi           = Tambovan agj
|Venälaine nimi = Тамбовская область
|Flag           = [[Fail:Flag of Tambov Oblast.svg|150px|Tambovan agjan flag]]
|FSCoA          = [[Fail:Coat of arms of Tambov Oblast.svg|110px|Tambovan agjan znam]]
|FlagLnk        = Tambovan agjan flag
|CoALnk         = Tambovan agjan znam
|FSMap          = [[Fail:Map of Russia (2014–2022) - Tambov Oblast.svg|300px]]
|FSCtrWhat      = Pälidn
|FSCtrNm        = [[Tambov]]
|AreaRnk        = 63
|TotArea        = 34462
|WaterPrcnt     = 1.24
|PopRnk         = 50
|Eläjiden lugu  = 1,033,552
|PopCtDate      = 2018
|PopDens        = 29.99
|GDPRnk         = 44
|GDP            = 311,4
|GDPCtDate      = 2016
|GDP(PPP)       = 297,9
|FedDistrNm     = Keskuzline
|EcRegNm        = Keskuzliž-Mustmaine
|OfLangs        = [[venäkel']]
|HeadTtl        = Administracijan pämez'
|HeadNm         = [[Nikitin Aleksandr|Aleksandr Nikitin]]
|LegislTtl      = Agjan Duman ezimez'
|LegislNm       = [[Matuškin Evgenii|Evgenii Matuškin]]
|FSAnthem       = ''[[Tambovan agjan gimn|Slavižen naižen hüväšt'jätand]]''
|Domain         = 
|CadNo          = 68
|MSK            = [[UTC]]+3 ([[MSK]]+0)
}}
'''Tambovan agj''' ({{lang-ru|Тамбовская область}}) om [[Venäma|Venälaižen Federacijan]] [[Venälaižen Federacijan subjektad|subjekt]].

Se mülüb [[Federaline keskuzümbrik|Federaližhe keskuzümbrikho]].

Agjan administrativine keskuz da kaikiš suremb lidn om [[Tambov]].

== Keled ==
Valdkundkel' om üks'jäine, se om [[venäkel']].

== Istorii ==
Tambovan agj om olmas vs 1937 sügüz'kun 27. päiväspäi.

Tambovan agjan Päkäskuz<ref>[http://constitution.garant.ru/region/ustav_tambov/ Tambovan agjan Päkäskusen tekst. — ''Constitution.garant.ru''.] {{ref-ru}}</ref> om vahvištadud vn 1994 30. päiväl kül'mkud Agjan Duman ezitajil da om väges äiluguižidenke vajehtusidenke.

== Geografijan andmused ==
[[Fail:Relief-Tambovskaya.png|thumb|left|250px|Tambovan agjan reljefan kart.]]
Agjal om röunoid [[Penzan agj|Penzan]] da [[Saratovan agj|Saratovan]] agjoidenke päivnouzmas, [[Voronežan agj]]anke suves, [[Lipeckan agj]]anke päivlaskmas da [[Räzanin agj]]anke pohjoižes. Tambovan agj om mererandatoi.

Pind om 34 462 km². Agj mülüb mecan i stepin zonha, [[mec]] otab territorijan kümnendest. Mahuz om [[mustma]]. Joged mülüdas [[Don]]an (znamasižed — [[Matir (jogi)|Matir]]- da [[Voron (Hopran ližajogi)|Voron]]-joged) i [[Volg]]an (znamasine — [[Cnanjogi (Mokšan ližajogi)|Cnanjogi]]) basseinoihe.

Reljef om tazo, mugažo vanoikaz sijiči. Kaikiš korktemb čokkoim om nimetoi taho suvipäivlaskmas [[Tambov]]alpäi, Matir-jogen hural randal (219 m). Kaikiš madalamb om Cnanjogen kendäk agjan pohjoižröunal (95 m).

Klimat om [[ven vö|ven]] kontinentaline. Heinkun keskmäine lämuz om +19..+20 C°, vilukun lämuz — −8..−9 C°. Paneb sadegid 450..550 mm vodes.

Londuseližed varad oma [[turbaz]], [[titan (himine element)|titan]], [[cirkonii]], [[sauvondmaterialad]], [[fosfor|fosforitad]], mineraližed [[muju]]d, [[mustma]].

== Tobmuz ==
[[Fail:Tambov-oblast-government-seat.jpg|thumb|right|250px|Agjan Duman, gubernatoran da sen Administracijan pert' [[Tambov]]as.]]
Tambovan agjan pämez' nimitase Administracijan pämeheks. [[Nikitin Aleksandr|Aleksandr Nikitin]] radab administracijan pämehen vs 2015 semendkun 25. päiväspäi. Hänen valdatusiden strok om viž vot. Administracijan pämez' märičeb sen strukturad da paneb sen ühtnijoid radnikusile. Kaks' Administracijan ezmäšt varapämest da kahesa Administracijan muite varapämest oma hänele abhu.

Tambovan agjan üks'kodine parlament om Agjan Dum. Se sädab ištundoid kerdan kus. Kaik rahvaz valičeb sen 50 ezitajad videks vodeks. [[Matuškin Evgenii|Evgenii Matuškin]] radab Agjan Duman ezimeheks vs 2015 tal'vkun 10. päiväspäi.

Radonoigendai tobmuz om Tambovan agjan Administracii. Agjan ohjandused da komitetad alištudas Administracijale.

Agjan administracijan pämehen valičendad oliba vn 2015 13. päiväl sügüz'kud, [[Nikitin Aleksandr|nügüdläine administracijan pämez']] sai vägestust ezmäižel tural (85,47%) da radab ezmäižen strokun. Agjan Duman ühtnijoiden järgenduseližed valičendad oliba vn 2016 18. päiväl sügüz'kud (6. kucund).

== Eläjad ==
Vn 2010 Venäman rahvahanlugemižen mödhe eläjiden lugu oli 1 091 994 ristitud<ref>[http://www.gks.ru/free_doc/new_site/population/demo/perepis2010/svod.xls Venäman kaikenaigaine ristitišt vl 2010. — Rosstat (''gks.ru'').] {{ref-ru}}</ref>. Kaikutte koumanz' ristit videspäi om lidnalaine (2018).

Kaik om [[Tambovan agjan lidnad|kahesa lidnad]] agjas da 12 lidnanvuittušt žilod. Toine järed lidn (enamba 90 tuh. ristitud) om [[Mičurinsk]]. Vl 2018 kaik om 10 eländpunktad enamba mi 10 tuh. eläjidenke.

Rahvahad (enamba 0,4% vl 2010): [[venälaižed]] — 95,0%, [[ukrainalaižed]] — 0,7%, [[armenijalaižed]] — 0,4%, [[čiganalaižed]] — 0,4%, toižed rahvahad — 1,4%, rahvahuden ozutandata — 2,1%.

== Homaičendad ==
<references />

== Irdkosketused ==
* [http://www.tambov.gov.ru/ Tambovan agjan tobmuden aluzkundoiden (Administracijan da sen pämehen) informacine portal (''tambov.gov.ru'').] {{ref-ru}}
* [http://www.tambovoblduma.ru/ Tambovan agjan Duman oficialine sait (''tambovoblduma.ru'').] {{ref-ru}}

{{Tambovan agjan lidnad}}
{{Venälaižen Federacijan subjektad}}

[[Kategorii:Tambovan agj| ]]