easyJet
 | |||||||
| |||||||
| Gestig | Maart 1995 deur Sir Stelios Haji-Ioannou | ||||||
|---|---|---|---|---|---|---|---|
| Bedryfsbasisse | Lughawe Londen-Luton Lughawe Londen-Gatwick | ||||||
| Vlootgrootte | 161[1] | ||||||
| Bestemmings | 134 | ||||||
| Houermaatskappy | EasyJet plc | ||||||
| Hoofkantoor | Londen Luton-lughawe Luton, Verenigde Koninkryk | ||||||
| Sleutelpersone | Stephen Hester (Voorsitter) Johan Lundgren (HUB) | ||||||
| Omset |  £1 458 miljoen (2021)[2] | ||||||
| Bedryfsinkomste | (£1 036 miljoen) (2021)[2] | ||||||
| Netto inkomste |  (£858 miljoen) (2021)[2] | ||||||
| Werknemers | 13 000 (2022)[2] | ||||||
| Webwerf | http://www.EasyJet.com | ||||||
EasyJet (IATA-kode: U2, ICAO: EZJ), gestileer as easyJet, is 'n Britse multinasionale laekostelugredery gebaseer op Londen Lutonlughawe.[3] Dit is die grootste lugredery van die Verenigde Koninkryk volgens aantal passasiers vervoer, en bedryf plaaslike en internasionale geskeduleerde dienste op meer as 600 roetes na 32 lande.[4][5]
EasyJet plc is gelys op die Londense Aandelebeurs en is 'n deel van die FTSE 100-indeks.[6] EasyGroup Holdings Ltd (die beleggingsvoertuig van easyJet stigter Sir Stelios Haji-Ioannou en sy gesin) is die grootste aandeelhouer met 'n 34,62% belang (teen Julie 2014).[7] teen 2022 verskaf dit werk aan 13 000 mense, oral oor Europa, maar veral in die Verenigde Koninkryk.[8]
EasyJet het vinnig uitgebrei sedert sy stigting in 1995, en gegroei deur 'n kombinasie van verkrygings[9][10] en basisopeninge gedryf deur verbruikersvraag na laekoste lugreise. Die lugredery, saam met medemaatskappy easyJet Switserland, bedryf tans meer as 320 vliegtuie, meestal die Airbus A319.[11] Dit het 23 basisse in Europa, die grootste een is Londen-Gatwick.[11] In 2013 het easyJet meer as 60 miljoen passasiers vervoer[8] en is die tweede grootste laekosteredery in Europa na Ryanair.[12]
Effektiewe kostebesparing
[wysig | wysig bron]By easyJet word die pryse laag gehou deur koste te bespaar, onder andere deur passasiers vir etes aan boord te laat betaal, deur nie deur reisagente te werk nie en deur meer as 90% van die kaartjies via die internet te verkoop. Die afwesigheid van verskillende klasse in die kajuit lewer kostevoordele op, omdat daar geen addisionele items soos koerante of verskillende spysenieringsprodukte nodig is nie.
Daarbenewens word die omdraaityd so kort moontlik gehou, deur byvoorbeeld streng op te tree teen reisigers wat laat opdaag, en die kajuit na die vlug deur die kajuitpersoneel te laat opruim. Dit kan lei tot een heen-en-weervlug méér as wat 'n tradisionele redery in dieselfde tyd kan maak.
In teenstelling met ander sogenaamde prysvegters, soos Ryanair, wat hoofsaaklik na klein provinsiale lughawens vlieg om koste te bespaar op landing en hantering, vlieg easyJet wel na die groter lughawens (soos Parys-Charles de Gaulle, Amsterdam-Schiphol, Barcelona–El Prat en Brussel Internasionale Lughawe). EasyJet probeer om hom op hierdie wyse te vestig as goedkoop alternatief vir sakereisigers.
Verwysings
[wysig | wysig bron]- ↑ planespotters.net Nov 2022
- ↑ 2,0 2,1 2,2 2,3 "Annual Report 2021" (PDF). easyjet. Geargiveer vanaf die oorspronklike (PDF) op 31 Maart 2022. Besoek op 16 Februarie 2022.
- ↑ Company Profile | Reuters.co.uk. Uk.reuters.com. URL besoek op 17 Januarie 2014.
- ↑ "Route Map | Flights to European Destinations and Beyond" (in Engels). easyJet. Geargiveer vanaf die oorspronklike op 26 Desember 2019. Besoek op 17 Januarie 2014.
- ↑ "EasyJet airline details". theAirDB. Geargiveer vanaf die oorspronklike op 11 Augustus 2019. Besoek op 26 Januarie 2010.
- ↑ EasyJet and London Stock Exchange to join FTSE 100 index. BBC News (7 Maart 2013). URL besoek op 7 Maart 2013.
- ↑ easyJet plc ("the Company") Holding(s) in Company
- ↑ 8,0 8,1 "EasyJet corporate website" (in Engels). EasyJet. Geargiveer vanaf die oorspronklike op 22 November 2019. Besoek op 25 Januarie 2014.
- ↑ "EasyJet buys Go for £374m" (in Engels). BBC. 16 Mei 2002. Geargiveer vanaf die oorspronklike op 28 Januarie 2010. Besoek op 28 Januarie 2010.
- ↑ "EasyJet agrees to buy GB Airways" (in Engels). BBC. 25 Oktober 2007. Geargiveer vanaf die oorspronklike op 15 Januarie 2009. Besoek op 28 Januarie 2010.
- ↑ 11,0 11,1 Annual report and accounts 2009. EasyJet. URL besoek op 25 Januarie 2010.
- ↑ Annual Report 2009. Ryanair. URL besoek op 25 Januarie 2010.
| Hierdie artikel is in sy geheel of gedeeltelik vanuit die Engelse Wikipedia vertaal. |
