Dnjepr
| Dnjepr Днепр (Russies) Дняпро (Belarussies) Дніпро (Oekraïens) | |
|---|---|
 Die stroomgebied van die Dnjepr.
| |
| Stroomgebied |  Rusland  Belarus  Oekraïne
|
| Oorsprong | Waldaiheuwels, Rusland |
| Monding | Dnjeprdelta |
| Lengte | 2 201 km |
| Oorsprong-hoogte | 220 m |
| Monding-hoogte | 0 m |
| Gemiddelde afloop | 1 670 m³/s |
| Stroomgebiedopp. | 516 300 km² |
 | |
Die Dnjepr of Dnipro (Russies: Днепр; Belarussies: Дняпро; Oekraïens: Дніпро; Engels: Dnieper) is 'n rivier wat van die Waldaiheuwels naby Smolensk in Rusland deur Belarus en Oekraïne na die Swartsee vloei. Dit is die langste rivier in Oekraïne en Belarus en die vierde langste een in Europa (ná die Wolga, Donau en Oeral).[1] Die totale lengte is 2 200 km[2] en dit het ’n stroomgebied van 516 300 km².
In die oudheid was die rivier deel van die Barnsteenroetes. In die tweede helfte van die 17de eeu het die Pools-Litause Gemenebes en die Tsaredom Rusland om die gebied meegeding en is Oekraïne verdeel tussen die linker- en regteroewer. In die Sowjettyd het die rivier bekend geword vir sy hidroëlektrisiteitsdamme en groot reservoirs. Die Tsjernobil-kernramp van 1986 het aan die Pripjatrivier, net bo dié sytak se samevloei met die Dnjepr, voorgekom.
Die Dnjepr is ’n belangrike begaanbare waterweg vir die ekonomie van Oekraïne en word deur die Dnjepr-Boegkanaal aan ander waterweë in Europa verbind.
Naam
Die naam Dnjepr is afgelei van óf Sarmaties óf Skities en beteken "die verafgeleë rivier".[3] (Daarteenoor beteken Dnister die "nabygeleë rivier".)
Verwysings
- ↑ "Dnieper River | river, Europe | Britannica". www.britannica.com (in Engels). Besoek op 25 Mei 2022.
- ↑ "Main Geographic Characteristics of the Republic of Belarus. Main characteristics of the largest rivers of Belarus". Land of Ancestors. Data of the Ministry of Natural Resources and Environmental Protection of the Republic of Belarus. 2011. Besoek op 27 September 2013.
- ↑ Mallory, J.P. en Victor H. Mair. The Tarim Mummies: Ancient China and the Mystery of the Earliest Peoples from the West. Londen: Thames and Hudson, 2000. p. 106
Eksterne skakels
- Dnieper River by die Encyclopedia of Ukraine
- 1911 Encyclopædia Britannica – Dnieper
Wikimedia Commons het meer media in die kategorie Dnjepr.
Hierdie artikel is in sy geheel of gedeeltelik uit die Engelse Wikipedia vertaal.
