Lif en Lifthrasir
In die Noorse mitologie is Líf en Lífþrasir (in ander tale ook Lif en Lifthrasir gespel) twee mense wat in 'n voorspelling die gebeurtenisse van Ragnarök oorleef deur in 'n woud met die naam Hoddmímis holt weg te kruip en, nadat die wêreld ophou brand het, die nuwe en vrugbare wêreld herbevolk. "Líf" is die Oudnoorse term vir "lewe"[1] en "Lífþrasir" beteken "Líf se minnaar" of "lewenslus".[2] Hulle word genoem in die Poëtiese Edda, wat in die 13de eeu saamgestel is uit vroeëre tradisionele bronne, en die Prosaïese Edda, wat in die 13de eeu geskryf is.
Verhaal
In die gedig Vafþrúðnismál in die Poëtiese Edda vra Odin vir Vafþrúðnir watter mense die Fimbulvetr ("Slepende winter") sal oorleef, en Vafþrúðnir antwoord Líf en Lífþrasir, wat in die Hoddmímis holt sal wegkruip. Hulle sal die oggenddou as voedsel inneem en "uit hulle sal generasies voortkom".[3]
Ook in hoofstuk 53 van die boek Gylfaginning in die Prosaïese Edda word gesê Líf en Lífþrasir sal in Hoddmímis holt wegkruip tydens die vuurreus Surtr se brand en dat "uit hierdie mense so 'n groot nageslag sal voortkom dat die wêreld weer bewoon sal word".[4]
Volgens Rudolf Simek moet Hoddmímis holt nie verstaan word as 'n letterlike woud waarin die twee mense wegkruip nie, maar eerder as 'n ander naam vir die wêreldboom Yggdrasil. Hy sê die idee dat die mens uit bome ontstaan het, "is antiek in Germaanse streke en dit word ná Ragnarök herhaal".[5]
Verwysings
Bronne
- Cleasby, Richard en Guðbrandr Vigfusson. An Icelandic-English Dictionary. 2de uitg. Oxford: Clarendon. 1957.
- Egilsson, Sveinbjörn. Lexicon Poëticum Antiquæ Linguæ Septentrionalis. Kopenhagen: J.D. Qvist & Co. 1860.
- Larrington, Carolyne (vert.) (1999). The Poetic Edda. Oxford World's Classics. ISBN 0-19-283946-2
- Faulkes, Anthony (vert.) (1995). Edda. Everyman ISBN 0-460-87616-3
- Orchard, Andy (1997). Dictionary of Norse Myth and Legend. Cassell. ISBN 0-304-34520-2
- Simek, Rudolf (2007), vert. deur Angela Hall. Dictionary of Northern Mythology. D.S. Brewer. ISBN 0-85991-513-1
- Schröder, F.R. (1931). "Germanische Schöpfungsmythen" in Germanisch-Romanische Monatsschrift 19, pp. 1–26.
Hierdie artikel is in sy geheel of gedeeltelik uit die Engelse Wikipedia vertaal.
