Larve (Maske)

Dialäkt: Baseldytsch

Larve isch s'schwiizer, eschtrichisch un südditsch Wort fier e "Maske" an dr Fasnet. S'hochditsch Wort entlarven - also ebberm e Masgge vum Gsicht risse - kummt deher. Larve kummt vum latinische Wort lar, wo Masgge oder Gspenscht beditet.

Larvene kemmen dorum u.a. an der Basler Fasnacht zem Yysatz. Die maischte Larvene sin äntwääder us Bapyyr cachiert oder sin us Kunschtstoff gmacht. S Cachiere isch zwor uffwändiger, erlaubt aber komplizierteri Foorme. Derfiir isch e Kunschtstofflarve billiger.

S Wort Masgge kunnt im Baseldytsch zwor au vor, bedytet aber ebbis anders, nämmlig e gosschtymierti Person, wo natyyrlig au e Larve aa het, also dr Träger vu ere Larve, nit d'Larve sälber.