Invasión sovietica d'Afganistán

Plantilla:Batallas A envasión sovietica d'Afganistán estió una guerra que duró nueu anyadas entre a Unión Sovietica refirmata por o gubierno d'a Republica Democratica d'Afganistán d'ideyolochía marxista contra os rebels muchahidin que luitaban ta rematar o periodo de dominación comunista. A Unión Sovietica yera refirmata por o gubierno mientres que os rebels tenoron o refirme de bells países incluyindo os Estatos Unitos, Pakistán y atras nacions musulmanas en o contexto d'a Guerra Frida. Mientres duró lo conflicto se desembolicoron paralelament a Revolución iraní de 1979 y a guerra entre Irán y Iraq.

Situación

Mientres o sieglo XIX, o territorio d'Afganistán s'heba visto menazato por os britanicos y os rusos, qui miraban d'apoderar-sen d'a rechión. En l'anyo 1919, a la fin, Afganistán fue reconoixito como una republica independient por Anglaterra y mientres bellas decadas caoticas desapareixió d'o scenario politico. En a decada de 1970 tornó a estar noticia debito a la gran inestabilidat politica y a la dentrata d'o Exercito Royo en o territorio.

Os Estatos Unitos y os suyos aliatos reaccionoron a l'inte, ninviando aduya melitar y economica a las milicias afganas que s'enfrentaban a lo Exercito Royo. Se escudaban en o feito de que Afganistán no apareixeba en a zona d'influencia d'o Pacto de Varsovia y que los sovieticos heban invadito un estato forano.

Dimpués d'una infructuosa luita entre os grupos pro-sovieticos (refirmatos por a Unión Sovietica) y os musulmans que esfendeban a soberanía afgana (refirmatos por os Estatos Unitos), as tropas rusas se'n retiroron en febrero de 1989.