Albacet

Albacet (en castellán Albacete) ye una ciudat espanyola, capital d'a provincia d'Albacet (Castiella-La Mancha). A suya población ye de 172.693 habitants (2013), en una superficie de 1.125,91 km² y una densidat de población de 153 ab/km². A población de l'aria metropolitana de Albacete s'estimó que yera en 2013 de 219.121 habitants.

Mugas

• Por o norte: La Roda, La Gineta, Tarazona de la Mancha, Madrigueras, Motilleja, Mahora y Valdeganga.
• Por l'este: Chinchiella de Mont Aragón y Pozo Cañada.
• Por o sur: Tobarra, Pozohondo y Peñas de San Pedro.
• Por l'ueste: Pozuelo, La Herrera y Barrax.

Toponimia

O suyo nombre probién de l'arabe Al-Basit que significa "a plana", "o plan". En castellán s'adaptó como Albaget, Albacet y dimpués prenió una vocal d'apoyo -y d'alcuerdo con una tendencia fonetica bien conoixita en castellán. Una d'as suyas primeras referencias ye en un texto en castellán medieval de entre os anyos 1252 y 1284:

Sepan quantos esta carta uyeren como yo Aboaballa moro fijo del Alcayat de Albaget otorgo que uendo a uos don Bemalt e a uos don Domingo de Xea e a uos don Abit de Moya e a uos don Johan Matheo e a uos don Abit de Ryabarga uecinos de Alcaraq por al concelo de Alcarag todos los términos de Sierra ques perca de Fellín qerca de Touarra.