Animación
L'animazión ye una simulazión de mobimiento produzita por meyo d'imachens que se creyan una por una; en proyeutar-se suzesibament istas imaches (denominatas cuadros, o en anglés frames) se produze una ilusión de mobimiento, encara que o mobimiento representato no esiste en a reyalidat. Se basa en a ilusión d'o mobimiento, en que interbienen a persistenzia d'a bisión e o fenomén phi.
Asinas se designan dibersas teunicas zinematograficas que tienen en común que se basan en un uniberso de proporzions reduzitas e no reproduzen dengún elemento reyal. En o rodache no s'emplega o mobimiento, sino que s'emplegan teunicas de filmazión d'imachen por imachen e por meyo de dibersos trucos ye creyata la impresión de relieu e mobimiento. Comprende o debuxo animato, con o cualo á sobén se confunde, l'animazión de moñacos, collages, ochetos en mobimiento, grabatos mobils, ombres e composizions plasticas abstrautas.[1]
L'animazión pertoca á l'ambito d'o zine e a telebisión, encara que, como se puet comprebar, ye en relazión dreita con as artes bisuals clasicas, debuxo, pintura e escultura, asinas como a fotografía.
Ta reyalizar animazión esisten numerosas teunicas que ban más allá d'os familiars debuxos animatos. As eszenas que se pueden chenerar debuxando, pintando, u fotografiando os chicorrons cambeyos feitos repetidament en un modelo d'a reyalitat u en un modelo tridimensional birtual; tamién ye posible animar ochetos d'a reyalitat e autors.