Albacet

Albazet (en castellán Albacete) ye una ziudat española, capital d'a probinzia d'Albazet (Castiella-La Mancha). A suya poblazión ye de 164.771 abitants (2007), en una superfizie de 1.125,91 km² e una densidat de poblazión de 146,34 ab/km².

Mugas

• Por o norte: La Roda, La Gineta, Tarazona de la Mancha, Madrigueras, Motilleja, Mahora e Valdeganga.
• Por l'este: Chinchiella de Mont Aragón e Pozo Cañada.
• Por o sur: Tobarra, Pozohondo e Peñas de San Pedro.
• Por l'ueste: Pozuelo, La Herrera e Barrax.

Toponimia

O suyo nombre probién de l'arabe Al-Basit que sennifica "a plana", "o plano". En castellán s'adautó como Albaget, Albacet e dimpués prenió una bocal d'apoyo -e d'alcuerdo con una tendenzia fonetica bien conoxita en castellán. Una d'as suyas primeras referenzias ye en un testo en castellán meyebal de entre los años 1252 e 1284:

• Sepan quantos esta carta uyeren como yo Aboaballa moro fijo del Alcayat de Albaget otorgo que uendo a uos don Bemalt e a uos don Domingo de Xea e a uos don Abit de Moya e a uos don Johan Matheo e a uos don Abit de Ryabarga uecinos de Alcaraq por al concelo de Alcarag todos los términos de Sierra ques perca de Fellín qerca de Touarra.