Hamas
Hamas ye una organización palestina fundada en 1987 pol xeque Ahmad Yasin durante la primer Intifada. Hamas, en árabe حماس, enfotu y acrónimu de Harakat al-Muqáwama al-Islamiya, حركة المقاومة الإسلامية (Movimientu de la Resistencia Islámica) ye un ensame nacionalista y islamista palestín que emplega la llucha armada escontra l'estáu d'Israel, al que considera illexítimu. Hamas vien desendolcando nos años caberos delles actividáes de carauter social y caritativu, al traviés d'una rede de centros y colaboradores qu'apurren aída d'emerxencia y servicios básicos d'educación y atención social a la población. L'oxetivu políticu cimeru de Hamas ye l'afitamientu d'un estáu islámicu en Palestina con capital en Xerusalén.
Ta considerada como una organización terrorista por parte d'Israel, Estaos Uníos y la Unión Europea.
Ta acabante ganar les eleiciones llexislatives en Palestina, tres de los comicios celebráos el 22 de xineru de 2006.