Calandreta

Los establecimientos escolares Calandreta (n'occitanu, calandrina) son colexos ya institutos bilingües francu-occitanos. La primer escuela Calandreta formóse en Pau (Pirineos Atlánticos) en 1979. El primer centru de secundaria abrió en setiembre de 1997 en Lattes (Hérault).

A dellos d'estos asocedieron-yos colexos públicos bilingües como foi el casu en Cuers en 2004, onde ta l'únicu colexu públicu bilingüe de la rexón de Provenza-Alpes-Costa Azul, xunto al colexu públicu Frédéric-Mistral de Maillane y el preescolar "Orangers" de Niza.

Presentación

Un grupu d'escolinos de 5ème (≈1º d'ESO), depués d'una clas de robótica con dos ponentes delINRIA.

Son l'equivalente occitanu al Diwan de los bretones, laIkastola de los vascos, la Bressola de los catalanes o la ABCM-Zweisprachigkeit de los alsacianos-moselanos.

A fecha de xunetu de 2016, hai 62 colexos y 3 institutos de secundaria, espardíos per 18 departamentos, con 3614 alumnos escolarizaos.

Les Calandretas son escueles gratuites y laiques. El métodu emplegáu ye la inmersión llingüística precoz. La enseñanza apurrida sigue los programes del ministeriu d'educación nacional. La pedagoxía yeactiva, inspirada nes técniques de Freinet, p'acompañar al neñu hacia l'autonomía, el valor de compartir y la ciudadanía. Los maestros exercen una formación en pedagoxía institucional y per munchos años beneficiáronse de clases de René Laffitte.

Poro, hai tres centros de secundaria: en Pau, Toulouse y Montpellier. Un cuartu abrió en Maraussan, al llau de Béziers, en setiembre de 2018 Dende'l cursu 2016-2017, el centru de Montpellier acueye clases de bachilleratu. Los tres primeros bachilleres algamaron el títulu en xunu de 2019.

Calandreta dispón d'un centru d'enseñanza superior occitanu APRENE (asitiáu en Béziers) onde fórmense los profesores de les escueles Calandreta. APRENE ta reconocíu pol ministeriu d'educación francés y afiliáu al ISLRF (Institutu superior de les llingües de la República francesa).

Discografía

• Los Fabulous Trobadors dedicaron un canciu a les Calandretas nel discu Ma ville est le plus beau park.
• Marcel Amont fizo un canciu sobro la Calandreta.
• Un discu (CD) Viatge en lenga con un proyeutu activu que travaya la práctica de les diverses formes d'occitanu al traviés de quince cantares, foi grabáu por calendrons y neños de la rama bilingüe y foi asoleyáu en 2008. Dirección artística: Joan Francés Tisnèr. Arreglos: Joan Francés Tisnèr y Romain Baudoin. Coedición Calandreta - Cap'Oc - Oc bi.

Ver tamién

Artículos rellacionaos

• Ikastola

Enllaces esternos

• Confédération des Calandretas.
• Mapa de Calandretas, y contautos respeutivos de tolos colexos, institutos y federaciones Calandreta.