Aporia crataegi
Aporia crataegi  | ||
|---|---|---|
_Aporia_crataegi-_Foret_de_Soreze_Tarn_France_-_male.jpg?lang=ast) | ||
| Clasificación científica | ||
| Reinu: | Animalia | |
| Filu: | Arthropoda | |
| Clas: | Insecta | |
| Orde: | Lepidoptera | |
| Familia: | Pieridae | |
| Xéneru: | Aporia | |
| Especie: |
A. crataegi (Linnaeus, 1758) | |
| Consultes | ||
| [editar datos en Wikidata] | ||
Aporia crataegi ye una especie d'inseutu lepidópteru de la familia Pieridae. (Linnaeus, 1758). [1][2][3]
Descripción
El so aspeutu xeneral ye inconfundible, amosando un llurdiu discoidal de pequeñu tamañu sobre un fondu totalmente blancu, según venes de color negru nel machu y pardes na fema.[4] El cuerpu ye de color gris escuru con antenes en forma de bastoninos.[5] Les sos ales son arredondiaes y tienen un valumbu d'ente 6 y 8 cm, lo que la convierte na especie de mayor tamañu de la so familia.[5][6] Les femes suelen ser llixeramente de mayor tamañu y presenten nes ales árees tresparentes.[4] Les gates son grises y peludas, con una llinia de color negru sobre l'envés y llurdios coloraos.[5]
Subespecie
- Aporia crataegi augusta, (Turati, 1905)
- Aporia crataegi hyalina Röber, 1907
- Aporia crataegi rhodinea Hofmann & Eckweiler, 2001
- Aporia crataegi rotunda Eitschberger & Reissinger, 1971
- Aporia crataegi zabulensis de Freina, 1974
-
Aporia crataegi augusta ♂ -
Aporia crataegi augusta♂ △ -
Aporia crataegi augusta♀ -
Aporia crataegi augusta♀ △
_Aporia_crataegi_augusta_-_Ficuzza_(Sicile)_Italie_-_male_dorsal.jpg?lang=ast)
_Aporia_crataegi_augusta_-_Ficuzza_(Sicile)_Italie_-_male_ventral.jpg?lang=ast)
_Aporia_crataegi_augusta_-_Ficuzza_(Sicile)_Italie_-_female_dorsal.jpg?lang=ast)
_Aporia_crataegi_augusta_-_Ficuzza_(Sicile)_Italie_-_female_ventral.jpg?lang=ast)
Distribución
Ta llargamente distribuyida, atopándose nel norte d'África, Oriente Mediu y el restu d'Asia ente 40 y 70° N hasta Xapón.[7] N'Europa ta presente na mayor parte del continente, faltando en gran parte de Noruega y Suecia, islles del Atlánticu, islles Baleares, Córcega, Cerdeña, Creta y otres islles del Exéu, según nes islles Britániques, llugar esti postreru onde s'atopa escastada.[7]
Comportamientu
Fase larvaria
Les gates arrexúntense pa envernar, construyendo un nial conxuntu.[6] Tres la envernía aliméntense en pequeños grupos o por separáu.[7] La pupa suxetase colgando de les fueyes, o en tarmos de gramínees.[6][7]
Periodu de vuelu
Una sola xeneración (univoltina).[4] Nel sur d'Europa dende mediaos d'abril a xunu y nel norte d'Europa dende finales de mayu a principios de xunetu, anque depende de l'altitú, temporada y llocalidá.[7] (Voltinismu).
Alimentación
La so alimentación ye distinta a la d'otres especies asemeyaes.[6] Alimentase d'árboles frutales y espinos, como la cirolar (Prunus domestica), zrezal (Prunus avium), pescal (Prunus persica), almendral (Prunus amygdalus) y otros como'l majuelo (Crataegus monogyna), la peral (Pyrus communis) y el pumar (Malus domestica).[5][7]
Referencies
- ↑ (n'inglés) [1] Aporia crataegui
- ↑ (n'inglés) [2] Aporia crataegui Matt Rowlings
- ↑ (castellán) [3] Asturnatura
- ↑ 4,0 4,1 4,2 Córdoba León, J. R., Sesmas Moranas, J. M. y Martín Toral, G. (2006). Mariposas en Libertad (en castellanu). Madrid, España: Publimarca Ediciones, páx. 272. ISBN 84-8476-285-8.
- ↑ 5,0 5,1 5,2 5,3 Balmer, E. (2009). Mariposas y Polillas (en castellanu). Bath, Reino Unido: Parragon Books, páx. 358. ISBN 978-4075-6768-6.
- ↑ 6,0 6,1 6,2 6,3 Reichholf-Riehm, H. (1990). Mariposas (en castellanu). Barcelona, España: Ediciones Blume, páx. 290. ISBN 84-87535-09-7.
- ↑ 7,0 7,1 7,2 7,3 7,4 7,5 Tolman, T. y Lewington, R. (2002). Guía de las Mariposas de España y Europa, 1ª (en castellanu), Barcelona, España: Lynx Edicions, páx. 320. ISBN 84-87334-36-9.
Enllaces esternos
Wikimedia Commons acueye conteníu multimedia sobre Aporia crataegi.
 |
Wikispecies tien un artículu sobre Aporia crataegi. |
| Control d'autoridaes |
|
|---|
Datos: Q811483- Multimedia: Aporia crataegi
Especies: Aporia crataegi