Taylor Schilling

Taylor Schilling
Vida
Nacimientu	Boston, 27 de xunetu de 1984 (40 años)
Nacionalidá	Estaos Xuníos
Llingua materna	inglés
Familia
Padre	Robert J. Schilling
Madre	Tish Schilling
Estudios
Estudios	Universidá de Fordham Tisch School of the Arts Wayland High School (en)
Llingües falaes	inglés
Oficiu	actriz, actriz de cine, actriz de televisión
Pesu	60 kg
Altor	179 cm
IMDb	nm2279940

Taylor Schilling (27 de xunetu de 1984, Boston) ye una actriz d'Estaos Xuníos conocida por interpretar a Piper Chapman na serie Orange Is the New Black siendo nomada a un Globu d'Oru a la meyor actriz de serie de televisión dramática por ello. Amás conocida pola película romántica "The Lucky One" protagonizada xunto a Zac Efron), siendo esta una hestoria dramática escrita por Nicholas Sparks.

Primeros años

Schilling nació en Boston, fía de Patricia Miller, una alministrativa del Institutu Teunolóxicu de Massachusetts, y Robert J. Schilling, un ex-fiscal del condáu de Bristol. Creció en West Roxbury y Wayland, repartiendo'l so tiempu ente un llugar y otru por cuenta de que los sos padres taben divorciaos. Mientres la so mocedá yera una almiradora de la serie de la NBC, ER, y entró nel programa de teatru del so institutu apaeciendo na producción teatral de Fiddler on the Roof.

Dempués de graduase na Wayland High School en 2002, asistió al campus Lincoln Center de la Universidá de Fordham, onde siguió participando en delles producciones enantes de llograr la so llicenciatura d'artes en 2006. Darréu, empezó un posgráu na Universidá de Nueva York pa siguir colos sos estudios d'actuación pero dempués del so segundu añu decidió colar d'ellí pa faer audiciones. Mientres la so busca de papeles, trabayaba como neñera pa una familia de Manhattan. Anguaño mora na ciudá de Manhattan, en Nueva York.

Carrera

El so debú como actriz foi en 2007, interpretando un papel secundariu na película independiente Dark Matter. El so estrenu n'Estaos Xuníos tuvo de retrasase un añu, porque la so trama tenía bastante semeyanza cola masacre de Virginia Tech. En 2009, foi escoyida pa protagonizar na serie de la NBC, Mercy, un drama médicu nel qu'interpretaba a la Veronica Flanagan Callahan, una veterana enfermera militar de la Guerra d'Iraq. La creadora y productora executiva de la serie, Liz Heldens, quedó impresionada cola audición de Schilling. Por cuenta de los baxos niveles d'audiencia, la NBC anunció que la segunda temporada quedaba atayada. En 2011, interpretó'l papel protagonista de Dagny Taggart na adautación cinematográfica de la novela homónima Atlas Shrugged: Part I. En 2012 protagonizó, xunto a Zac Efron, la película The Lucky One, que nun tuvo crítiques favorables y llogró un papel secundariu na película empobinao y protagonizao por Ben Affleck, Argo.

Dende 2013 protagoniza la serie de Netflix, Orange Is the New Black, una comedia dramática carcelaria onde interpreta a Piper Chapman, una moza unviada a prisión. Gracies a esti trabayu, llogró gran reconocencia pola so actuación. Nuna entrevista al diariu británicu The Guardian, Taylor Schilling esplicó que gracies a la reconocencia llograda pola so participación en Orange Is the New Black, pue ser más esixente a la d'escoyer propuestes de trabayu. Mientres esi añu protagonizó la película Stay, xunto a Aidan Quinn.

Filmografía

Películes

Añu	Títulu	Personaxe	Notes
2007	Dark Matter	Jackie
2011	Atlas Shrugged: Part I	Dagny Taggart
2012	The Lucky One	Beth Green
2012	Argo	Christine Mendez
2013	Stay	Abbey
2015	The Overnight	Emily
2017	Take Me	Anna St. Blair
2018	The Titan	Dr. Abi Janssen
2018	Family	Kate Stone
2019	The Prodigy	Sarah

Televisión

Añu	Títulu	Personaxe	Notes
2009–2010	Mercy	Nurse Veronica Flanagan Callahan	22 capítulos
2013–2019	Orange Is the New Black	Piper Chapman	39 capítulos

Enllaces esternos

• Taylor Schilling na Internet Movie Database (n'inglés)

• Datos: Q269843
• Multimedia: Taylor Schilling