Jack Lemmon

Jack Lemmon

Jack Lemmon (8 de febreru de 1925 - 27 de xunu de 2001) foi un actor de cine estaunidense nacíu en Boston col nome de John Uhler Lemmon. Foi unu de los actores más premiaos de la so xeneración.

Vida y carrera

Nació nun ascensor en Newton, un suburbiu de Boston, onde so padre yera'l presidente d'una compañía de rosquilles. Depués d'asistir a la Phillis Academy y a la Universidá de Harvard, Lemmon alistóse na armada. Posteriormente ganóse la vida trabayando en radio, televisión y teatru (en Broadway).

Lemmon entamó'l so trabayu nel cine, en 1949, con un pequeñu papel na película The Lady Takes a Sailor pero nun se-y dio atención hasta'l so debut oficial frente a Judy Holliday en It Should Happen to You (1954).

Convirtióse nel actor favoritu del director Billy Wilder, protagonizando les sos películes Some Like It Hot, The Apartment, Irma La Douce y Avanti.

Lemmon foi el primer actor en ganar un Óscar al Meyor Actor, por Save the Tiger (1973); y al Meyor Actor Secundariu, por Mister Roberts (1955). Tamién foi nomináu pola Academia notres seis ocasiones. Igualmente foi nomináu en ventidós ocasiones al Globu d'Oro. En 1996 el Festival Internacional de Cine de Berlín concedió-y el Osu d'Oro al ensamu de la so carrera.

Tuvo, igualmente, una notable carrera como actor en televisión, ganando un buen númberu de premios poles sos interpretaciones nesti mediu.

Lemmon casóse en dos ocasiones. El so fíu Chris Lemmon (nacíu en 1954 de la so primera muyer Cynthia Stone), foi tamién actor. La so segunda muyer foi l'actriz Felicia Farr (cola que tuvo una fía, Courtney, nacida en 1966).

Jack Lemmon morrió de cáncer el 27 de xunu de 2001. Tenía 76 años. Ta enterráu nel Westwood Village Memorial Park Cemetery, Westwood, Los Angeles, California, onde Walter Matthau, col que compartió protagonismu en munches películes, ta tamién sepultáu.

Jack Lemmon nunca interpretó héroes de la historia americana. Pero nuna carrera qu'algama cinco décades, Lemmon foi conocíu polos sos intensos retratos d'una completa variedá de personaxes non heroicos.

Filmografía (n'inglés)

• The Lady Takes a Sailor (1949)
• It Should Happen to You (1954)
• Phffft! (1954)
• Three for the Show (1955)
• Mister Roberts (1955)
• My Sister Eileen (1955)
• Hollywood Bronc Busters (1955)
• You Can't Run Away from It (1956)
• Fire Down Below (1957)
• Operation Mad Ball (1957)
• Cowboy (1958)
• Bell Book and Candle (1958)
• Some Like It Hot (1959)
• It Happened to Jane (1959)
• The Apartment (1960)
• Stowaway in the Sky (1960) (narrador)
• Pepe (1960) (Cameo)
• The Wackiest Ship in the Army (1960)
• The Notorious Landlady (1962)
• Days of Wine and Roses (1962)
• Irma la Douce (1963)
• Under the Yum Yum Tree (1963)
• Good Neighbor Sam (1964)
• How to Murder Your Wife (1965)
• The Great Race (1965)
• The Fortune Cookie (1966)
• Luv (1967)
• There Comes a Day (1968)
• The Odd Couple (1968)
• The April Fools (1969)
• The Out-of-Towners (1970)
• Kotch (1971) (cameo; director)
• The War Between Men and Women (1972)
• Avanti! (1972)
• Save the Tiger (1973)
• The Police Can't Move (1974) (narrador)
• The Front Page (1974)
• Wednesday (1975)
• The Gentleman Tramp (1975) (documental) (narrador)
• The Prisoner of Second Avenue (1975)
• Alex & the Gypsy (1976)
• Airport '77 (1977)
• The China Syndrome (1979)
• Portrait of a 60% Perfect Man (1980) (documental)
• Tribute (1980)
• Buddy Buddy (1981)
• Missing (1982)
• Mass Appeal (1984)
• Macaroni (1985)
• That's Life! (1986)
• Dad (1989)
• JFK (1991)
• Beyond 'JFK': The Question of Conspiracy (1992) (documental)
• The Player (1992) (cameo)
• Glengarry Glen Ross (1992)
• Luck, Trust & Ketchup: Robert Altman In Carver County (1993) (documental)
• Short Cuts (1993)
• Grumpy Old Men (1993)
• The Grass Harp (1995)
• Grumpier Old Men (1995)
• Getting Away with Murder (1996)
• My Fellow Americans (1996)
• Hamlet (1996)
• Out to Sea (1997)
• Off the Menu: The Last Days of Chasen's (1997) (documental)
• Puppies for Sale (1998)
• The Odd Couple II (1998)
• The Legend of Bagger Vance (2000)