Afganistan
Afganistan (basa Pashto/Dari: افغانستان, Pashto: Afġānistān [avɣɒnisˈtɒn, ab-],[a] Dari: Afġānestān [avɣɒnesˈtɒn]), antuk resmi Républik Islam Afganistan inggih punika negara tan papasisi ring Asia Tengah. Afganistan mawates sareng Pakistan ring sisi kelod miwah kangin, Iran ring sisi kauh, Turkménistan, Uzbékistan miwah Tajikistan ring sisi kaja, miwah Cina ring sisi kaja-kangin. Jimbarnyané 652.000 km2 miwah akéh kramannyané 32 yuta jadma, utamannyané wong Pashtun, Tajik, Hazara miwah Uzbék. Afganistan inggih punika negara pegunungan. Ibukotannyané Kabul.