Pura

Pura inggih punika genah suci sané kaanggen olih umat Hindu antuk ngaturang bakti ring Ida Sang Hyang Widhi Wasa. Wenten makudang-kudang pura sané wénten di Bali, nika mawinan Pulo Baline kasub kawastanin Pulau Seribu Pura. Wenten sané kawastanin pura subak sané kaanggen genah para petanine ngaturang bakti, wénten pura melanting sané kaanggen genah para dagange ngaturang bakti, wénten pura paibon sané kaanggen genah para kulawargane ngaturang bakti, wénten pura kahyangan jagat, wénten taler pura sad kahyangan.