Baian

Dea Artikl do beschreibt an awarischn Herrscha. Mid Baian kinan oba aa da Freistaat Bayern, de Gemeinde Baiern oda de Bajuwarn gmoant sei.

Der Artikl is im Dialekt Obaboarisch gschriem worn.

Baian († 602) wor a awarischa Khagan, der vo 562 bis zu seim Tod 602 regiat hod.

567 hod er se mit dena Langobardn vabindt und zamma homs de Gepidn niedazwunga. Ois 568 de Langobardn nach Italien ausgwicha san, hod er dena eana ehemoligs Land Pannonien eignumma. Nem de Gepidn hoda olle Slawn in Sideiropa sowia in Bähmen, Mährn und in da Slowakei untaworfn. Im gleichn Joa is a in de ostremische Provinz Dalmatien eingfoin. Drei Joa späda hod er gegn Tributzohlungen Friedn mit Ostrom gschlossa. Da Baian hod se oba ned anan Friedn ghoidn, sundan is imma wieda in Ostrom eingfoin.

Ois da Baian 602 gstorm is, is s Reich vo dena Awarn noch meararen Niedalogn gegn Ostrom kuaz vorm Zammabruch gstandn. Des is zwoa dann no amoi vahindat worn, oba es is da Ofang vum Abstieg gwen.

Drucksocha

Walter Pohl: Die Awaren. Ein Steppenvolk in Mitteleuropa 567-822 n.Chr. Minga 2002, ISBN 3-406-48969-9.
Michael Whitby: The Emperor Maurice and his Historian – Theophylact Simocatta on Persian and Balkan Warfare. Oxford 1988.

Vorlog:Personendaten