Пажар у начным клюбе ў Пермі
 | Гэты артыкул апісвае актуальную падзею.
|
Пажар у начным клюбе ў горадзе Перм — катастрофа, выкліканы, па асноўнай вэрысі, выбухам піратэхнічных вырабаў у начным клюбе «Хромая лошадь» (па-беларуску: «Кульгавы конь») 5 сьнежня 2009 году а 22:08 (01:08[1] па мясцоваму часу), у выніку якога, а таксама з-за атручваньня чадным газам і таўкатні, на месцы загінулі 102 чалавекі, 7 памерлі ў шпіталях, 160 чалавек атрымалі пашкоджаньні.[2][3]
Асноўная вэрсыя пажару — парушэньне правілаў пажарнае бясьпекі. Вэрсыя тэракту была адхіленая.[4] Па іншай вэрсыі, крыніцай пажару сталўся кароткі сутык.[5][3]
Прэзідэнт Расеі Дзьмітры Мядзьведзеў абвясьціў 7 сьнежня 2009 году жалобным днём.[6]
Гэта найбольш трагічнае здарэньне на ўвесь час постсавецкае Расеі. Другі па колькасьці ахвяраў пажар адбыўся ў сакавіку 2007 году ў расейскім горадзе Ейску, калі ў доме састарэлых загінулі 63 чалавекі.[7] Як засьведчыў прадстаўнік ратавальнае службы, большасьць ахваряў загінула ад асфіксыі, атручваньня чадным газам.
Была арганізаваная гарачая лінія для людзей, якія шукаюць зьвесткі пра людзей, якія знаходзіліся ў клюбе «Кульгавы конь» падчас пажару і маглі загінуць ці атрымаць нейкія пашкоджньні.[2]
Пажар
Паводле сьведкаў пажару, трагедыя адбылася падчас сьвяткаваньня васьмігодзьдзя клюбу з-за няспраўнага «халоднага» феерверку, які выбухнуў, тым самым падпаліўшы столь, муры і ўсё навакольнае. Большасьць загінула з-за задымленьне й таўкатні. Дзякуючы службоваму выхаду, шмат хто здолеў уратавацца.[3][8]
Крыніцы
- ^ Шайгу: уладары клюбу «Хромая лошадь» не выконвалі патрабаваньні пажарных // NEWSru.com (рас.)
- ^ а б Колькасьць загінуўшых у начным клюбе ў Пярмі перавысіла 100 чалавек // Lenta.ru (рас.)
- ^ а б в 109 чалавек загінулі пры пажары ў начным клубе горада Перм // Наша Ніва
- ^ НЗ у начным клюбе ў Пярмі: — Пажар пачаўся з-за другога феерверку. Загаралася столь, потым муры, мэбля... // Комсомольская правда (рас.)
- ^ Названая магчымая прычына ўзьнікненья пажару ў начным клюбе ў Пярмі // ВЗГЛЯД (рас.)
- ^ Дзьмітры Мядзьведзеў абвясьціў 7 сьнежня ў Расеі жалобным днём у сувязі з пажарам у Пярмі // Rusnovosti.ru (рас.)
- ^ У доме састарэлых у Ейску адбыўся пажар. У выніку трагедыі загінулі 63 чалавекі // Российская Газета (рас.)
- ^ Трагедыя ў Пярмі: больш за сто чалавек загінулі ў пажары ў начным клюбе // РИА Новости (рас.)
Вонкавыя спасылкі
Пажар у начным клюбе ў Пермі — сховішча мультымэдыйных матэрыялаў- Відэакадры зь месца пажару
