WiMAX
WiMAX (па-ангельску: Worldwide Interoperability for Microwave Access) — тэлекамунікацыйная тэхналёгія перадачы інфармацыі па радыё-каналам сувязі, у большасьці выпадкаў выкарыстаньня, забясьпечваючы кожнага кліента інтэрнэт-доступам. Часам блытаецца зь іншай тэхналёгіяй, Wi-Fi, ад якой адрозьніваецца значна большай зонай пакрыцьця сыгналу, і, у адрозьненьні ад Wi-Fi, падпарадкоўваецца стандарту IEEE 802.16 (таксама шырокапалосны бяздротавы доступ). Назва WiMAX была абвешчаная некамэрцыйнай арганізацыяй WiMAX Forum, створанай у чэрвені 2001 году, каб прасоўваць зручнасьць і канцэпцыю сумеснага выкарыстаньня, прапанаваную стандартам. WiMAX Forum характэрызуе WiMAX як «стандартызаваную тэхналёгію, якая вырашае праблему апошняй мілі праз шырокапалосны бяздротавы доступ, альтэрнатыву кабэльным сеткам і DSL».[1]
Стандарты
WiMAX як тэхналёгія апісваецца стандартам IEEE 802.16, зацьверджаным арганізацыяй WiMAX Forum. Сэртыфікацыя прыладаў згодна з стандартам азначае, што прылады розных вытворцаў будуць здольныя працаваць разам у адной сыстэме. Сэртыфікацыяй займаецца WiMAX Forum.
Стандарт IEEE 802.16 у розных крыніцах згадваецца як «WiMAX», часам таксама «Fixed WiMAX», «Mobile WiMAX», «802.16d» і «802.16e».[2] Афіцыйна існуе толькі дзьве вэрсіі стандарту:
- 802.16-2004, вядомы як 802.16d. Назва «Fixed WiMAX» (бел. фіксаваны WiMAX) эквівалентна гэтай вэрсіі, таму што стандарт не прадугледжвае «мабільнасьць», у прыватнасьці, роўмінг паміж базавымі станцыямі адной сеткі.
- 802.16e-2005, вядомы як 802.16e, зьяўляецца ўдасканаленай вэрсіяй 802.16-2004. Паміж іншых правак была створаная падтрымка мабільнасьці — з-за гэтага часам узгадваецца як «Mobile WiMAX».
На дадзены момант Mobile WiMAX зьяўляецца найбольш камэрцыйна запатрабаванай тэхналёгіяй, таму зараз актыўна ўводзяцца ў працу новыя бяздротавыя сеткі (у прыватнасьці, у Беларусі; гл. ніжэй).
Выкарыстаньне
Магчымасьці WiMAX, а менавіта хуткасьць перадачы і вялікая зона пакрыцьця, робяць рэальным выкарыстаньне WiMAX у наступных сфэрах:
- Падключэньне хот-спотаў Wi-Fi да Інтэрнэту
- Выкарыстаньне ў якасьці вырашэньні пытаньня «апошняй мілі»
- Надаваньне розных тэлекамунікацыйных паслугаў (triple play)
- Мабільнае выкарыстаньне
WiMAX у Беларусі
Цяпер у Беларусі дзейнічае толькі адна сетка WiMAX з кропкавым пакрыцьцём Менску.[3] Расейская кампанія Yota плянуе пачатак працы сваёй сеткі ў Горадні летам-восеньню 2010 году.[4]
Глядзіце таксама
Крыніцы
- ^ WiMAX in detail, Techpluto (анг.)
- ^ IEEE 802.16 WirelessMAN Standard: Myths and Facts (анг.)
- ^ «Белтэлекам» запусьціў сетку WiMAX у Мінску, Наша Ніва
- ^ Yota начнет тест WiMAX-сети в июне, Провайдеры Беларуси (рас.)
Вонкавыя спасылкі
WiMAX — сховішча мультымэдыйных матэрыялаў
- WiMAX Forum Russia & CIS (рас.)
| Гэта — накід артыкула. Вы можаце дапамагчы Вікіпэдыі, пашырыўшы яго. |