Emgann Dybbøl

Emgann Dybbøl
Tamm eus Eil Brezel Schleswig
Maread 18 a viz Ebrel 1864 Lec'h Dybbøl, Danmark Disoc'h Trec'h peurglok Prusia
Emgannerien
Prusia	Danmark
Niver a emgannerien
11 000 kentañ wagenn 26 000 da c'hortoz 126 kanol	5000 6000 da c'hortoz 66 kanol, 11 mortez 1 lestr hobregonet
Kolloù
1201, lazhet pe gloazet pe prizoniet	4834 (tro 700 lazhet, 554 gloazet, 3534 prizoniet)

Soudarded Prusia o aloubiñ lec'hioù difenn lu Danmark.

Emgann Dybbøl (Danek: Slaget ved Dybbøl; Alamaneg: Erstürmung der Düppeler Schanzen) a voe emgann bennañ Eil Brezel Schleswig mintin an 18 a viz Ebrel 1864 goude ur sez a oa bet kroget d'ar 7 a viz Ebrel. Nerzhioù lu Danmark a voe flastret gant re Prusia, ar pezh a voe diazez da zisorc'h ar brezel. Dybbøl a oa bet ivez un dachenn emgan e-pad ar C'hentañ Brezel Schleswig.

Kenaroud

Goude ma voe bet aloubet Dugelezh ar Schleswig e miz Du 1863 gant ar roue danat Christian IX (a oa ivez dug Schleswig), Prusia hag Aostria a aloubas Jutland e miz Genver 1864.

Taolenn propaganda o meuliñ kalon al lu danat.

Adkemer

• Bep bloaz e vez aozet gant Danmark ul lid koun e Dybbøl d'an 18 a viz Ebrel. Soudarded Danmark gwizket gant lifreoù marevezh an emgann a vez. Evit 150vet deiz-ha-bloaz an emgann d'an 18 a viz Ebrel 2004 e voe savet un abadenn veurk. Hiziv-an-deiz e vez implijet c'hoazh an emgann pa vez kaoz eus al liammoù etre Danmark hag Alamagn.

Adsevel istorel Emgann Dybbøl e 2004.

• Carl Klinke, ur soudard prusian a vefe bet o kas gantañ ur sac'had danvez-tarzh betek kreñvlec'h pennañ an Daniz hag emlazhet o toullañ ar voger. Savet e voe ur barzhoneg gant Theodor Fontane.
• Johann Gottfried Piefke, ur sonaozour kannoù-bale milourel brudet a savas ur c'han-bale anvet Düppeler Schanzen-Sturmmarsch evit enoriñ an emgann-se.