Pierre de Châlons
| Reizh pe jener | paotr  |
|---|---|
| Bro ar geodedouriezh | Frañs |
| Anv-bihan | Pierre |
| Deiziad ganedigezh | 31 Mae 1641 |
| Lec'h ganedigezh | Église Saint-Nizier |
| Deiziad ar marv | 12 Her 1718 |
| Yezhoù komzet pe skrivet | galleg |
| Micher | geriadurour |
Pierre de Châlons, ganet d’an 31 a viz Mae 1641 e Saint-Nizier, a zo bremañ ur c’harter eus kêr Lyon, e Bro-C'hall, ha marvet e 1718, a oa ur beleg gall hag ur geriadurour brezhonek.
Mab da varc’hadourien e oa Pierre Châlons hag ouzhpennañ a reas ur rannig noblañs d’e anv pa zeuas da Vreizh. Vikel vras eskob Gwened e voe ha chaloni goude-se, a-raok mont da berson e Sarzhav, en eskopti Gwened. Eno e savas daou c’heriadur, an eil brezhoneg-galleg hag egile galleg-brezhoneg, gant skoazell beleien eus an eskopti, evel Claude Cillart de Kerampoul.
Diembann eo chomet e c’heriadur galleg-brezhoneg, met goude e varv e voe embannet e c’heriadur brezhoneg- galleg, e 1723. Ar c’hentañ geriadur gwenedeg eo, pa voe embannet an eil, gant Cillart de Kerampoul e 1744.
Oberennoù
- 1723 - Dictionnaire breton-français du diocèse de Vannes… par feu M. de Châlons, recteur de la paroisse de Sarzeau revu et corrigé depuis la mort de l’auteur, ti-moullañ J. de Heuqueville, Gwened, 1723
- 1895 - Dictionnaire breton-français du dialecte de Vannes de Pierre de Châlons, embannet ha kinniget gant Joseph Loth, ti-moullañ Oberthur, Roazhon.
- 1996 - Le premier dictionnaire vannetais, Volume 1 : Pierre de Châlons, 1723, adembannet gant Gwennole ar Menn, gant notennoù, Skol.
Liamm diavaez
- Geriadur Pierre de Châlons – embannadur Loth e lec’hienn Skol-veur Roazhon 2.