بۆشاییی ئیقلیدسی

بۆشایی ئیقلیدسی سێ ڕەهەندی

بۆشاییی ئیقلیدسی k-ڕەھەندی بریتییە لە بۆشاییی ئاڕاستەبڕەکان، $\mathbb {R} ^{k}$ لەگەڵ لێکدانی سکالێر و نۆرمێک کە بەم شێوە $\|\mathbf {x} \|={\bigg (}\sum _{i=1}^{k}x_{i}^{2}{\bigg )}^{1/2}$ پێناسە دەکرێت، لێرەدا $\mathbf {x} =(x_{1},x_{2},\ldots ,x_{k})\in \mathbb {R} ^{k}$.

$\mathbb {R}$، ھەمان بۆشاییی ئیقلیدسی یەک ڕەھەندی یا تەوەری ژمارە ڕاستەقینەکان و $\mathbb {R} \times \mathbb {R}$ یا $\mathbb {R} ^{2}$ بۆشاییی ئیقلیدسی دوو ڕەھەندییە (بە ڕووتەختی ئیقلیدسی یان سیستەمی پۆتانەکانی کارتیزیانیش ناسراوە). ئەم چەمکانە دەگشتێنرێن و بۆشاییی ئیقلیدسی n-ڕەھەندی یا $\mathbb {R} ^{n}$ و ھەروەھا ناکۆتا ڕەھەندی یا $\mathbb {R} ^{\omega }$ دێتە ئاراوە.

پێناسەی خاڵ

خاڵێک لە بۆشاییی دوو ڕەھەندیدا بریتییە لە جووتەڕێکخراوێک لە ژمارە ڕاستەقینەکان وەکوو $(x_{1},x_{2})$. ھەر بەم شێوەیە خاڵێک لە بۆشاییی سێ-ڕەھەندیدا بە شێوەی ڕێکخراوەیەکی سیانی لە ژمارە ڕاستەقینەکان وەکوو $(x_{1},x_{2},x_{3})$ دیاری دەکرێت و ھەروەھا خاڵێک لە بۆشایی n-ڕەھەندیدا بە شێوەی $(x_{1},x_{2},\ldots ,x_{n})$ دیاری دەکرێت.

سەرچاوەکان

• بەشداربووانی ویکیپیدیا، «فضای اقلیدسی»، ویکیپیدیای فارسی. سەردان لە ٣٠ ئازاری ٢٠١٨.