Aasiaat

Aasiaat
dane: Egedesminde
urbo
Dosiero:Aasiaat haven.jpg Vido al Aasiaat haveno
Blazono
Oficiala nomo: Aasiaat
Deveno de nomo: Gronlanda vorto kiu signifas araneojn, kiujn supoze bonŝancigi
Moto: Urbo de la balenoj
Konstitucia reĝlando	Danio
Ŝtato	Gronlando
Distrikto	Qaasuitsup
Koordinatoj	68° 42′ 35″ N 52° 52′ 10″ U (mapo)
Loĝantaro	3 113 (januaro de 2011)
- de metropolo	3 285
Fondo	1759
Qaasuitsup urbestro	Jess Svane (Siumut, Antaŭe Socialdemokrata partio)
Horzono	UTC-3
Poŝtkodo	3950
Situo enkadre en Gronlando Situo enkadre en Gronlando Situo enkadre en Gronlando Situo enkadre en Gronlando
Vikimedia Komunejo: Aasiaat
Retpaĝo: www.Qaasuitsup.gl (dane kaj angle)
Grønlands Statistik, popolnombrado, 2011

Aasiaat (dane: Egedesminde) estas urbo en la okcidenta Gronlanda municipo de Qaasuitsup. Situante en malgranda insularo sude de Disko-golfo (kalaallisut: Qeqertarsuup tunua), ĝi estas la kvara plej granda urbo en Gronlando. De Aasiaat estas 70 km pere de pramŝipo al Qasigiannguit (dane Christianshåb) kaj 50 km pli malproksime al Ilulissat (dane Jakobshavn).

Etimologio

En gronlanda, Aasiaat signifas "Araneojn", kiuj supoze bonŝancigas. Oni ne konas la precizan klarigon por tio; mankas la historiaj faktoj de la nomorigino. Probable, kiam la urbo (tiam vilaĝeto) fondiĝis, abundis araneoj, sed nuntempe araneoj malofte vidiĝas ĉu en la urbo ĉu en la resto de Gronlando.

Aasiaat estas foje etikedata kiel "Urbo de la balenoj," ĉar oni ofte vidas marajn mamulojn — ekzemple, balenoj kaj fokoj.

Historio

Indiĝenaj popoloj

Arkeologiaj projektoj indikis ke homa loĝado en la regiono kiu ĉirkaŭas Aasiaat komencis ekde la 5-a jarmilo AKE. La plej fruaj modernaj setlantoj datis al ĉirkaŭ 1200; tiuj verŝajne vivis kiel vivtenadaj ĉasistoj. Printempe tiuj loĝantoj ĉasis gronlandfokojn kaj lodnojn en la sudorienta Disko-golfo. Somere ili transloĝigis al Nassuttooq por ĉasi boacojn kaj kapti hipoglosojn. Aŭtune la homoj de Disko-golfo retretiĝis hejmon por ĉasi malgrandajn gronlandfokojn. Vintre la golfo glacikovriĝis, kaj ili ĉasis narvalojn kaj belugovalojn. Tiuj fruaj homoj dizajnis kaj konstruis siajn proprajn kajakojn kaj feltegitajn umijakojn kiam la akvo malkovriĝis; vintre ili uzis hundosledojn.

Loĝantaro

Kun 3 113 enloĝantoj ĝis 2010, Aasiaat estas la dua plej granda urbo en la distrikto Qaasuitsup. Loĝantaro variadis dum la lastaj du jardekoj, malpliiĝanta pli ol 8 procentoj el la 1990 niveloj kaj de preskaŭ 7 procentoj el la 2000 niveloj.