Dionizio la Areopagano

Por aliaj signifoj, bv. rigardi la apartigilan paĝon: Dionizio (nomo)

Sankta
Dionizio la Areopagano
filozofo-juĝisto konvertigita de Paŭlo en la Areopago (Agoj de la Apostoloj, 17)
Persona informo
Naskiĝo	ĉ. 1-a jarcento en Ateno
Morto	ĉ. 1-a jarcento en Ateno
Mortis per	Senkapigo vd
Religio	kristanismo vd
Lingvoj	latina vd
Ŝtataneco	Antikva Ateno vd
Familio
Edz(in)o	Damaris (en) vd
Profesio
Okupo	pastro vd
Postenoj Postenoj episkopo vd
Sanktulo
Honorata en	katolika kaj ortodoksa eklezioj
Ĉefsanktejo	katedralo de Ateno
Festotago	9-a de oktobro por katolikoj kaj la 3-a por ortodoksuloj
vd	Fonto: Vikidatumoj

Dionizio la Areopagano (greke Διονύσιος ὁ Ἀρεοπαγίτης) estis juĝisto de la Areopago kiu, laŭ la Agoj de la Apostoloj, konvertiĝis al kristanismo konvinkita de la predikado de la apostolo Paŭlo.

Biografio

Dionizio estas konata nur pro la jena atestaĵo de la Agoj de la Apostoloj: Sed iuj viroj aliĝis al li kaj kredis, inter kiuj estis Dionizio, Areopagano, kaj virino, nomata Damaris, kaj aliaj kun ili (17, 34). En la novtestamenta rakonto, Paŭlo agas en Ateno, li rondiris tra la urbo kaj demandiĝas fare de la filozofoj epikuraj kaj stoikaj. Ili lin enkondukas en la Areopagon kaj petis de li klarigon rilate lian predikadon

	„ ”Kaj Paŭlo staris meze de la Areopago, kaj diris: Atenanoj, mi rimarkas, ke vi estas ĉiurilate tro servemaj al diaĵoj. Ĉar preterpasante kaj rigardante viajn adorataĵojn, mi trovis ankaŭ altaron, sur kiu estis skribite: AL DIO NEKONATA. Kiun do vi nekonante adoras, Tiun mi predikas al vi” (17,22-23) ”

La predikado de Paŭlo provas adapti la kristanan mesaĝon al la filozofa publiko, kiu ne oponas ĝis kiam Paŭlo ekparolas pri la Resurekto:

	„ “Kaj aŭdinte pri releviĝo de la mortintoj, unuj mokis; sed aliaj diris: Ni aŭskultos vin denove pri tio. Kaj tiel Paŭlo eliris el inter ili” (17, 32-33) ”

Kaj pro tio Paŭlo eliris el ilia medio.

“Sed iuj viroj aliĝis al li kaj kredis, inter kiuj estis Dionizio, Areopagano, kaj virino, nomata Damaris, kaj aliaj kun ili" (17,34).

Laŭ Dionizio episkopo de Korinto, kiun citas Eŭzebo de Cezareo, li poste fariĝis episkopo de Ateno..

Pseŭdo-Dionizio la Areopagano

Pli detalaj informoj troveblas en artikolo Pseŭdo-Dionizio la Areopagano.

Kelkajn jarcentojn poste, la Corpus Dionysianum, serio da grekaj manuskriptoj genre mistikaj, estis verkita sub la pseŭdonimo de “Dionizio la Areopagano” . Jam de multe da tempo oni scias ke tiu verka amplekso estis redaktita en la 4-a jarcento sub lia nomo kaj ke hodiaŭ estas atribuata al Pseŭdo-Dionizio. Tiun verkiston pri teologio historiistoj kaj filologoj opinias identigebla kun la Petro Iberiano, episkopo de Majum (452-491) de Kartvelio aŭ kun la pagana filozofo novplatona Damascio.

Kulto

En la Ortodoksa Eklezio Dionizio la Areopagano, Pseŭdo-Dionizio la Areopagano kaj Dionizio de Parizo estas liturgie celebrataj kune la 9-a de oktobro ĉe sekvantaro de la julia kalendaro.

Greka ikono de Sankta Dionizio la Areopagano

Dionizio el Ateno estis ankaŭ erare identigita kun Gaŭla martiro Dionizio de Parizo, kiu estis fakte la unua episkopo de Parizo.

Bibliografio

Opera omnia, 1756

• Corrigan & Harrington, Dionysius: Persona Metaphysics Research Lab, CSLI, Stanford University 2004
• Carlo Maria Mazzucchi,Damascio, autore del 'Corpus Dionysiacum' e il dialogo 'Perì politikes epistemes', en "Aevum. Rassegna di scienze storiche, linguistiche e filologiche", 80 (2006), pp. 299-334.
• Katolikaj enciklopedioj
  • [1] Enciclopedia_Cattolica
  • [2] Cathopedia:Voci_indispensabili
  • [3] Catholic_Encyclopedia

Vidu ankaŭ

• Agoj de la Apostoloj
• Pseŭdo-Dionizio la Areopagano

Aliaj projektoj

• [http://commons.wikimedia.org/wiki/Category:Dionysius_Areopagite?uselang=it%7Cq}}
• [4] Wikisource

Eksteraj ligiloj

• santiebeati, 73675, San Dionigi l'Areopagita
• angle Hieromartyr Dionysius the Areopagite the Bishop of Athens
• angle The Holy Hieromartyr Dionysius the Areopagite Arkivigite je 2012-03-04 per la retarkivo Wayback Machine