Edukira joan

Etxarri Aranazko geltokia

Wikipedia, Entziklopedia askea
Etxarri-Aranatz
Hurrengo trenak
Geltokiko eraikina, Euskal estilo tradizionalekoak
Map
Lineak
Bakaiku ◄ Trena  ► Lakuntza
Kokapena
UdalerriaEtxarri Aranatz,  Nafarroa
Geltokiaren datuak
Kodea80003
Irekiera1865ko ekainaren 22
Nasak2
Trenbideak3
JabeaADIF
EragileaRenfe Operadora
Garraio zerbitzuak
Distantzia ertaina26  Zaragoza ↔ Gasteiz

Etxarri Aranatz (Etxarri-Aranatz, ADIFen arabera eta ofizialki) Nafarroako Etxarri Aranatz udalerriko geltokia da, Euskal Herrian dagoena. Renfe Operadorako Distantzia Ertaineko zerbitzuak ditu.

Egoera

Geltokia Zaragoza—Altsasu burdinbidearen 223,015 kilometro-puntuan dago, 488 metroko altueran, Bakaiku eta Lakuntza geltokien artean. Tartea bide bakarra da eta elektrifikatuta dago.[1]

Historia

Geltokia 1865eko ekainaren 22an ireki zen, Zaragoza eta Nafarroa lotu nahi zituen trenbidearen Irurztun-Altsasu zatia ireki zuenean, Zaragozatik Iruñerako Burdinbide Konpainia delakoak, Zaragoza—Altsasu burdinbidea. Azken horrek Zaragozatik Bartzelonarako Burdinbide Konpainia bat egin zuen, eta ondorioz, Zaragozatik Iruñea eta Bartzelonarako Burdinbide Konpainia sortu zen.[2]

1878ko apirilaren 1ean, bere egoera ekonomiko txarrak Norterekin bat egitera behartu zuen, Altsasutik haratagoko trenbideen jabea zena eta burdinbidea Gasteiz, Donostia, Bilbo edo Burgosekin lotuz.

1941ean, Espainiako trenbidearen nazionalizazioak Norte sortu berrian integratzea ekarri zuen, RENFE enpresa publikoa sortu zen.[3]

2004ko abenduaren 31tik Renfe Operadorak linea ustiatzen du, Adif trenbide-instalazioen titularra den bitartean.[4]

Geltokia

Geltokia Etxarri Aranatz hirigunearen ipar-mendebaldean dago, Arakil ibaiaren beste aldean. Bi solairuko eraikuntza bat du, Euskal estilo arkitektoniko tradizionalekoa. Hormak zuriak dira, erliebean sartutako harriekin. Ateak eta leihoak gorriak eta zurezkoak dira, baita teilatua ere. Azken hori berezi samarra da, bi isurialdekoa baita eta eraikin osoa estaltzen baitu. Oro har, euskal etxeek teilatu bat izaten dute, baina azken solairuan bakarrik, geltoki honetan ez bezala.

Geltokiak hiru trenbide eta bi nasa ditu. Lehenengoa geltokiaren eraikinetik gertu dago, eta bide bakar bat gelditzen da bertan. Bigarren nasa, trenbidearen gainean jarritako pasabide baten bidez iristen dena, 2. eta 3. bideen artean dago, uharte moduan. Geltoki hau oso garrantzitsua da Zaragoza—Altsasu burdinbidearentzat, trenak gurutzatzeko aukera ematen baitu, elkarren zain egon beharrik gabe.

Zerbitzuak

  [5]
Jatorria Aurrekoa Linea Hurrengoa Norakoa
Gasteiz Altsasu–Herria 26 Uharte Arakil Zaragoza–Miraflores

Etorkizuna

Ez dago etorkizuneko planik geraleku hau oraingoz barne hartzen duenik.

Irudiak

  • Bigarren nasa
    Bigarren nasa
  • Lehen nasa
    Lehen nasa
  • Trenbide-pasabidea
    Trenbide-pasabidea
  • Eraikina
    Eraikina

Erreferentziak

  1. ↑ «Echarri-Aranaz (Est.) :: © EuroFerroviarios ® :: El Punto de Encuentro de los Trabajadores Ferroviarios» www.euroferroviarios.net (Noiz kontsultatua: 2020-06-13).
  2. ↑ «Zaragoza á Pamplona y Alsasua» web.archive.org 2011-01-15 (Noiz kontsultatua: 2020-06-13).
  3. ↑ Memoria de Obras Públicas 1884
  4. ↑ https://web.archive.org/web/20160702083546/http://www.spanishrailway.com/2012/02/20/caminos-de-hierro-del-norte-de-espana/
  5. ↑ https://www.renfe.com/viajeros/mediadistancia/mapas_y_trayectos/mapa_norte.html

Ikus, gainera

Kanpo estekak

"https://eu.wikipedia.org/w/index.php?title=Etxarri_Aranazko_geltokia&oldid=7966387"(e)tik eskuratuta