Manuel Montero

Manuel Montero
; Euskal Herriko Unibertsitateko errektorea	; 2000 - 2004 ; ← Pello Salaburu - Juan Ignacio Pérez →
; Euskal Herriko Unibertsitateko errektorea
Bizitza
Jaiotzako izen-deiturak	Manuel Montero García
Jaiotza	Bilbo, 1955eko irailaren 30a (69 urte)
Herrialdea	Bizkaia, Euskal Herria
Hezkuntza
Hizkuntzak	gaztelania; euskara
Jarduerak
Jarduerak	historialaria eta unibertsitateko irakaslea
	Parte-hartzailea Q67392091 ;
Enplegatzailea(k)	Euskal Herriko Unibertsitatea

Inprimatzeko bertsioa dagoeneko ez dago onartuta, eta baliteke errepresentazio erroreak izatea. Egunera itzazu zure nabigatzaileko laster-markak, eta horren ordez erabil ezazu nabigatzaileko inprimatze funtzio lehenetsia.

Manuel Montero García (Bilbo, 1955eko irailaren 30a) bizkaitar historialaria eta irakaslea da,^[1] EHUren errektorea izandakoa 2000 eta 2004. urteen artean. Deustuko Unibertsitatean Historian lizentziatu zen 1977an, eta 1978an irakasle-lanetan hasi zen Unibertsitatean bertan. Doktoregoa ere Deustun lortu zuen (1987), eta hurrengo urtean Euskal Herriko Unibertsitatean hasi zen Historia irakasten, Komunikazio eta Gizarte Zientzien Fakultatean. 1995ean Gaur Egungoko Historiako katedra lortu zuen, eta 1997an Fakultate horretako dekano izendatu zuten. 90. hamarkadan politikagintzan ere aritu zen, besteak beste Democracia Socialista taldean. 2000ko martxoan Euskal Herriko Unibertsitateko Errektore hautatu zuten. Ermuko Foroaren sortzailea da, eta azken urteetan indarkeriaren aurkako borrokan nabarmendu da.

Historialari eta ikerlari bezala, XIX. mendearen bukaera eta XX.aren hasiera ikertu ditu gehienbat, eta arreta berezia jarri die Bilbo eta Bilboren inguruko herrien garapen industrialari. Hainbat egunkaritan, Bilboko El Correo-n gehienbat, Bilboren historiari eta egoera soziopolitiko orokorrari buruzko artikuluak argitaratu ohi ditu. Liburu asko argitaratu du, Euskal Herriari eta Bilbori buruzkoak gehienbat, besteak beste, Historia del País Vasco: de los orígenes a nuestros días (1995); Historia contemporánea del País Vasco: de las Cortes de Cádiz a nuestros días (1995), Fernando García de Cortázarrekin elkarlanean. Crónicas de Bilbao y Vizcaya izenburupean lau liburu bildu zituen 1997an: El progreso de Bilbao, Acontecimientos decisivos en la historia del País Vasco, Vida cotidiana de los siglos XIX-XX eta Los negocios de Bilbao. 2000. urtean Viaje al país de los vascos. Una historia interminable kaleratu zuen, 1991tik 1999ra idatzitako artikulu eta testuez osatua, Euskal Herriak bizi zuen egoerari buruzkoa. Lan gehiago ere egin ditu; berrienetarikoa: La modernización capitalista. Ciclos económicos y desarrollo empresarial de Vizcaya entre 1891 y 1936 a través de la Bolsa de Bilbao (2005, UPV/EHU).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ Auñamendi Eusko Entziklopedia. Manuel Montero García. .

Kanpo estekak

Datuak: Q12262994

[1] Auñamendi Eusko Entziklopedia. Manuel Montero García. .

[1]