E-Citaro
 Söl'ring
|
| Evobus | |
|---|---|
En E-Citaro tö Proof üp Söl. | |
| E-Citaro | |
| Fabriik | Evobus |
| Bechningsaart | Statbus, Liigerböörtbus, Bateriibus |
| Becht sent of fan bit |
Sent 2019 |
| Aksen | 2 |
| Bremsen | Elektropneumaatisk Bremssysteem |
| Maskiin | 2 Draistroom-Asynchroonmaskiinen ön di Achterweelen |
| Maskiinenkraft | 250 kW |
| Kapatsiteet | 252 kWh |
| Bateriislach | NMC (Nickel-Mangaan-Kobalt) |
| Leerkraft en -tir | Bit tö 150 kWh / 200 Ah |
| Laapwai | 150 bit 170 km |
| Klimatisiaring | Elektrisk Kööler Elektrisk Aurnern Bremswāremker, Böörthaitser, Fronthaitser, Pomp fuar Wāremker üt di Lucht Optioon: Dieselaurn |
| Leengdi | 12,135 m |
| Breedji | 2,55 Söner Spailen m |
| Hoogdi | 3,40 m |
| Aksenstant | 5900 mm |
| Omdraikrais | 21,214 m |
| Seetplaatsen | 26 (Trii Düüren) 29 (Tau Düüren) |
| Stuun-Plaatsen | 64 |
| Töleten Wecht | 20.000 kg |
| Model fuarof | -- |
| Model achterön | -- |
| Sestermodeli/ Modeli binai üs des |
Sileo S10, S12, S18, S25 / E-Citaro me 18 Meetern |
Di Mercedes-Benz E-Citaro es di jest Elektrobus fan di Daimler AG. Dit es niin nii Bus, di Forem jeft et al leenger me Dieselmaskiin. Üs Citaro (Sii: Sitaro [sɪ'tɑʀo]) uur des sent 1997 forkoopet.
Di Typ jit uk O 530, en des meent di iinfachi Bus me 12 Meetern Leengdi.
Skeltern
Ön di Marts fan 2020 kām en E-Citaro tö Proof naa Söl. Töhop me di nii Sileo S12 wiar tö des Tir tau Elektrobusi üp Söl önerwai.
Technik
Di E-Citaro heer Bateriimoduuli fan 252kWh bit 441kWh Kapatsiteet[1].
Sa üs uk di Sileo S12 heer di Wain en Elekroportaalaksi fan ZF me Önerseetingen en tau Elektromaskiinen , wat nai bi di Weelen seet.
Ark Motor heer 125 kW en en Draimoment fan 485 Nm, me di Önerseeting üür diar man ombi 11.000 NM fan maaket.[2]
Di Stjüüring jit Intelligent Eco Steering en lapt me Hydraulikööl en en Elektropomp.
Di Fuarderweelen sen enkelt önbraacht, di Aks jit "ZF 82 RL EC, Einzelradaufhängung"
Achtern es di Aks becht sa üs bi di Sileo S12, man ark Maskiin heer 5 kW muar Kraft. Des jit bi di E-Citaro "ZF AVE 130".