It Skoar
It Skoar of 't Skoar is in buorskip dy’t yn de gemeente Noardeast-Fryslân leit. It Skoar leit noardeastlik fan Ternaard, súdwestlik fan Wierum en besuden de Waadsee. It Skoar heart ta de himrikken fan Ternaard en Wierum.
Sûnt 2019 leit It Skoar yn de gemeente Noardeast-Fryslân, dêfoar lei it yn de gemeente Dongeradiel en foar 1984 lei it buorskip yn West-Dongeradiel.
De bebouwing fan de buorskip leit oan de dyk 't Skoar, mei in fertichting yn de rjochting fan de feart dy't It Skoar skiedt fan de eardere buorskip Koaterhuzen. It Ternaarder diel telt sa’n 15 adressen en it Wierumer diel 6.
Bûtendyks by 't Skoar leit in gebiet mei de namme Skoarsterpôlen. Dêr leit in lege simmerdyk omhinne, mar by heech wetter en stoarm strûpt it gebiet faak ûnder.
Skiednis
De buorskip is ûntstien oan de Waadseekust, oan de âlde 16e-iuwske seedyk. De namme ferwiist mooglik nei de steilte fan de doetiidske kustline.
Yn 1664 waard 't Skoar fernijd as Schoor, yn 1718 as t Schoor, yn 1848 as Schoor en yn 1850 as Het Schoor.
| Boarnen, noaten en/as referinsjes: |
|
