Raerd

Raerd, is in doarp yn Boarnsterhim, mei 602 ynwenners (1 jannewaris 2003). It wie it haadplak fan de eardere gemeente Raerderhim. Raerd is net itselde plak as Raard (Dongeradiel).

Ta it gebiet fan Raerd heart ek de buorskip Flânsum.

Raerd is in terpdoarp deun by de wei fan Ljouwert nei Snits. By die wei hat eartiids ek in state west, Jongema State, dêr't no allinnich de poarte noch fan oerein stiet. De ynwenners hawwe de bynamme "Raerder Roeken", troch it grut tal roekenêsten dat op it terrein fan de eardere state, yn'e folksmûle it "Raerder Bosk" neamd, te finen is.

Raerd is ien van de einpunten fan de Slachtemaraton, en leit oan de westrûte fan it Jabikspaad. It is ek de thúshaven fan it IFKS-skûtsje de Raerder Roek.