Conakry
Konakry is de haadstêd fan Guinee. De stêd leit oan de Atlantyske Oseaan en der wenje ûngefear 2.000.000 minsken (2002).
Konakry is de grutste stêd en it bestjoerlik en ekonomysk sintrum fan it lân. De ekonomy draait foar in grut part om de haven, dêr't fral aluminium en bananen mei it skip ferfierd wurde. Der is in beskieden ferwurkjende yndustry dy't rjochte is op fiedings- en genietmiddelen en op tekstyl.
Skiednis
Konakry ûntwikkele him op it eilân Tumbo oan de ein fan it skiereilân Kaloem, dêr't fia in lâningte mei ferbûn is. Offisjeel waard it stiften troch de Ingelsen dy't it letter oan Frankryk yn 1887 ôfsteane. It waard haadstêd fan Frânsk Guinee yn 1904, en bloeide as eksporthaven, fral neidat de spoarwei nei Kankan iepen waard. De spoarwei is wyls sletten.
Nijsgjirrichheden
It oansjen waard binne it Nasjonaal Museum, de protte merken, it Palais du Peuple, de Grand Mosque, it nachtlibben en it tichtby lizzend Iles de Los. De stêd is ek bekend om syn botanyske tunen.
Berne
- Souleymane Oulare (16 oktober 1972), fuotballer
- Ousmane Bangoura (1 desimber 1979), fuotballer
- Pascal Feindouno (27 febrewaris 1981), fuotballer
- Sambegou Bangoura (3 april 1982), fuotballer
- Mamadou Alimou Diallo (2 desimber 1984), fuotballer
- Ibrahima Diallo (26 septimber 1985), fuotballer
- Aboubacar M'Baye Camara (27 desimber 1985), fuotballer
 |
Ofbylden dy't by dit ûnderwerp hearre, binne te finen yn de kategory Conakry fan Wikimedia Commons. |