Cidade Deportiva de Abegondo
Cidade Deportiva de Abegondo | |
---|---|
Datos | |
Coordenadas | 43°15′03″N 8°17′05″O / 43.25083333, -8.28472222 |
Localización | Abegondo, A Coruña, Galicia |
Construción | |
Inauguración | 2003 |
Estadio | |
Superficie | Herba |
Dimensións | 105x65 |
Capacidade | 3.000 |
Propietario | Deportivo de La Coruña |
Localía | Deportivo B |
Web | http://www.canaldeportivo.com/club/mundo_futbol/ |
[ editar datos en Wikidata ] |
A Cidade Deportiva de Abegondo, chamada tamén O Mundo do Fútbol, é un complexo deportivo do Real Club Deportivo de La Coruña, inaugurado en 2003. Está situada en Abegondo, a carón da A-6, e conta cunha superficie de 90.000 m², na que acolle os adestramentos do primeiro, segundo equipo e os equipos inferiores do club.
Instalacións
O Mundo do Fútbol consta dun edificio principal que alberga os vestiarios, oficinas e cafetería e que serve, á súa vez, de chanzo, con capacidade para máis de 1.200 persoas cara ao campo principal e outras 500 persoas na parte posterior, orientado ao campo de céspede artificial. Na planta superior do edificio sitúanse as oficinas, sala de prensa, cafetería e aseos de público. A planta inferior alberga os vestiarios, almacéns e cuartos de instalacións. Dispón de preto de 9.000 metros cadrados de aparcadoiros e zona de servizos.
Campos
- 7 campos de céspede natural de medidas practicamente iguais a Riazor (105x65 metros).
- 1 campo de céspede artificial de última xeración do tamaño de Riazor (105x61 metros).
- 6 campos de céspede natural de fútbol 7 (50x30 metros).
- Máis de 16.000 metros cadrados de campos auxiliares de céspede natural.