Castroverde
Castroverde | |
---|---|
Casa do concello. | |
Situación | |
Xentilicio[1] | castroverdense (non oficial) |
Xeografía | |
Provincia | Provincia de Lugo |
Comarca | Comarca de Lugo |
Poboación | 3.012 hab. (2010)[2][3] |
Área | 174,2 km²[3] |
Densidade | 17,29 hab./km² |
Entidades de poboación | 37 parroquias[4] |
Capital do concello | Castroverde |
Política (2011) | |
Alcalde | Xosé María Arias Fernández (PSdeG-PSOE) |
Concelleiros | BNG: 1 PPdeG: 4 PSdeG-PSOE: 6 Outros: - |
Eleccións municipais en Castroverde | |
Uso do galego[5] (2011) | |
Galegofalantes | 99,21% |
Na rede | |
www.concellodecastroverde.com | |
[ editar datos en Wikidata ] |
Castroverde é un concello da provincia de Lugo, pertencente á comarca de Lugo. Segundo o IGE en 2009 tiña 3.061 habitantes (3.187 no 2006, 3.236 no 2005, 3.286 no 2004, 3.372 no 2003). Neste concello atópase Montecubeiro, a parroquia máis grande de Galicia con 37 entidades de poboación.
Evolución da poboación de Castroverde Fontes: INE e IGE. | ||||||||||||||||||
1900 | 1930 | 1950 | 1981 | 2004 | 2009 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 | 2021 | 2022 | 2023 |
6.189 | 7.173 | 8.122 | 4.617 | 3.286 | 3.012 | |||||||||||||
(Os criterios de rexistro censual variaron entre 1900 e 2004, e os datos do INE e do IGE poden non coincidir.) |
Localización
O concello sitúase no centro da provincia de Lugo. O territorio constitúe unha zona de transición entre a meseta luguesa e as Serras Orientais, de maneira que o terreo vai gañando altura cara o leste: Serras de Moneiro, do Mirador (coa altura de 1034 m. en Pradairo), da Vaqueriza e de Puñago.
Numerosos regatos baixan destes montes, vertendo nos ríos Guimarás, Azúmara, Romeán, Outeiro e Tórdea, todos eles afluentes do Miño.
O clima é oceánico con matices continentais, cunha oscilación térmica de até 13 °C entre temperaturas invernais baixas (5,6 °C en xaneiro) e as suaves do verán (17,7 °C). Chove arredor de 1.000 mm.
Historia
Castroverde pertenceu á Casa de Lemos até o século XVI, cando a vila, a fortaleza e as súas terras foron compradas polos Altamira. No século XIX producíronse enfrontamentos carlistas.
Monumentos
Na propia vila fica aínda a torre da homenaxe da fortaleza medieval dos Castro de Lemos, tamén chamado Castelo de Castroverde. Hai tres pazos notorios: o de Abraira-Arana, en Vilabade, o de Cellán de Mosteiro e o de Pumarega.
Á igrexa de Santa María de Vilabade, alcúmana "catedral de Castroverde", foi construída no século XV a instancias de Fernando de Castro para un mosteiro; é gótica, mais con adicións posteriores e retablos barrocos. Destaca tamén a igrexa prerrománica de Soutomerille, reformada no ano de 1619, así como outras varias con elementos románicos.
Galería de imaxes
- Artigo principal: Galería de imaxes de Castroverde.
-
Torre do Castelo de Castroverde
Lugares de Castroverde
Para unha lista completa de todos os lugares do concello de Castroverde vexa: Lugares de Castroverde.
Parroquias
Festas e Feiras
- Festas do Santiago, os días 24, 25 e 26 de xullo, facéndose numerosas actividades.
- Festa da Xuventude, o 27 de decembro.
- Feira da Artesanía. o 24 de agosto.
- Feira, domingos alternos.
- Festa dos Avós, o 19 de abril en 2009.
Notas
- ↑ Véxase no Galizionario.
- ↑ Instituto Nacional de Estadística, ed. (27 de decembro de 2019). "Cifras oficiales de población resultantes de la revisión del Padrón municipal a 1 de enero". Consultado o 2 de xuño de 2020.(en castelán).
- ↑ 3,0 3,1 Instituto Galego de Estatística. (2023) "Castroverde".Información municipal. Sociedade e poboación. Xunta de Galicia.
- ↑ Nomenclátor de Galicia. Busca directa. Xunta de Galicia
- ↑ Neira, Carlos. "Evolución do uso do galego por concellos". Arquivado dende o orixinal o 5 de decembro de 2019. Consultado o 14 de outubro de 2014.
Fonte: IGE. Datos dispoñibles nas Táboas Dinámicas de Google
Véxase tamén
Wikimedia Commons ten máis contidos multimedia na categoría: Castroverde |