Subida a Chantada
A Subida a Chantada é unha proba automobilística que se disputa anualmente na ribeira sacra chantadina. Xeralmente celebrase o derradeiro fin de semana de xullo e está organizada pola Escudería Chantada. Puntúa para o Campionato de Galego de Montaña en en varias edicións tamén o fixo para Campionato de España de Montaña e o Campionato de Europa de Montaña.
Percorrido
A saída situase sobre unha ponte sobre o río Miño en Belesar. Transcorre por dúas zonas ben diferenciadas, un primeiro tramo da estrada LU-617 estreita e lenta, que combina diferentes tipos curvas e na famosa "curva dos cipreses" enlaza coa estrada LU-533. Esta segunda parte é un trazado moito mais rápido alcanzando maiores velocidades. Un circuíto rodeado de viñedos que remata preto da vila de Chantada.
O tramo ten unha lonxitude de 4,1 quilómetros de distancia, un desnivel de 250 metros e unha pendente media do 7,5%.
Programa
A proba realizase en fin de semana, o sábado dende as 09.00 fanse as verificacións administrativas e técnicas. Ás 09.30 horas ábrese o parque pechado na Casa da Cultura. Ás 14.00 horas publícase a lista dos pilotos autorizados a tomar a saída e posteriormente faise a presentación dos pilotos. A saída da primeira manga é as 15.30.
O domingo ás 08.30 horas faise a presentación dos pilotos, e ás 09.30 horas comeza a saída da segunda manga. Pola tarde, ás 16.15 horas, publícanse os resultados e a continuación a faise a entrega de premios e trofeos. No 2015 este acto celebrase no novo Auditorio de Chantada.
Récord da proba
En 1998 o piloto Andrés Vilariño con un Osella PA-20 acadou un tempo de 1'46'074.
Edición 2015
A edición do 2015 celebrouse os días 18 e 19 de xullo. Este ano tamén foi puntuable para a Copa Stark Box, que se corre sobre os Seat Marbella. Os resultados [1] dos 3 primeiros clasificados son:
Posto | Piloto | Automóbil | Tempo |
---|---|---|---|
1º | José Antonio López Fombona | Audi Quattro DTM | 3:47.955 |
2º | Jacobo Sobral Iglesias | SILVER CAR S2 | 3:54.985 |
3º | Alexis Vieitez Losada | FORMULA OUTEDA | 3:56.795 |
Edición 2014
A edición do 2014 celebrouse os días 19 e 20 de xullo. Os resultados [2] dos 3 primeiros clasificados son:
Posto | Piloto | Automóbil | Tempo |
---|---|---|---|
1º | José Antonio López Fombona | Audi Quattro DTM | 3:54.395 |
2º | Jacobo Sobral Iglesias | SILVER CAR S2 | 3:58.108 |
3º | Jose A. Varela Juan | Osella PA 20 /S | 3:59.899 |
Palmarés[3]
Notas
- ↑ http://www.temposfga.eu/ (ed.). "Clasificación final OFICIAL 2015" (PDF). Consultado o 20 de xullo de 2015.
- ↑ http://www.temposfga.eu/ (ed.). "Clasificación final OFICIAL 2014" (PDF). Consultado o 20 de xullo de 2015.
- ↑ Palmarés da Subida a Chantada
Véxase tamén
Wikimedia Commons ten máis contidos multimedia na categoría: Subida a Chantada |
Ligazóns externas