Miniserie
Unha miniserie é na televisión unha serie que conta unha historia nun número limitado de episodios, cun claro comezo e final, habitualmente filmados ao mesmo tempo e dunha duración inferior a 15 horas[1].
Desenvolvemento
[editar | editar a fonte]As miniseries xurdiron como o desenvolvemento dos radio dramas que a BBC emitía pola radio nos anos 1930 e 1940[2], a partir de 1950 a BBC comezou a adaptar coñecidas novelas á televisión ou crealas con guións orixinais, esas producións coñecidas como serials en inglés británico, eran ao comezo emitidas en vivo, The Quatermass Experiment de 1953 foi a primeira que se gravou utilizando o sistema de kinescopio. A adaptación de Nineteen Eighty-Four de George Orwell foi tamén moi popular e controvertida, mesmo con preguntas no Parlamento. A partir de comezos da década de 1960 as miniseries comezaron a emitirse gravadas en vídeo. O éxito de The Forsyte Saga de 1967 en todo o mundo, e en especial nos Estados Unidos, onde se coñecían como mini-series, levou[3] á ABC norteamericana a realizar QV II baseada na novela homónima de Leon Uris que se emitiu en 1974 e que gañou cinco Emmys, pero foi sobre todo o éxito mundial de Rich Man, Poor Man (1976) baseada na novela de Irwin Shan o que asentou o formato da miniserie internacionalmente. As tres principais cadeas dos Estados Unidos intentaron replicar o seu éxito pero foi de novo a ABC a que o superou con Roots en 1977.
