Voo 603 de Dominicana

Voo 603 de Dominicana
DC-9-32 semellante ao do accidente
Resumo
Data	15 de febreiro de 1970
Causa	fallo de motor
Lugar	mar Caribe
Coordenadas
Orixe	aeroporto Las Américas
Destino	aeroporto Luis Muñoz Marín
Finados	102
Aeronave
Tipo de aeronave	McDonnell Douglas DC-9-32
Operador	Dominicana de Aviación
Rexistro	HI-177
Pasaxeiros	97
Tripulación	5
Superviventes	0

O voo 603 de Dominicana, tamén coñecido como o desastre do DC-9 de Dominicana, era un servizo internacional que se esnafrou o día 15 de febreiro de 1970. O McDonnell Douglas DC-9-32 esnafrouse pouco despois de engalar de Santo Domingo, República Dominicana, en ruta cara San Xoán, Porto Rico, matando aos 102 pasaxeiros e tripulantes a bordo. É o segundo peor accidente de aviación ocorrido na República Dominicana tras o voo 301 de Birgenair.

Avión

O aparello era un McDonnell Douglas DC-9-32, con rexistro HI-177, fabricado no ano anterior. Realizara o seu primeiro voo o 30 de setembro de 1969. O avión fora transferido a Dominicana de Aviación o 16 de decembro dese mesmo ano. O DC-9 estaba equipado con dous motores Pratt & Whitney JT8D-7. Levaba en servizo menos dun mes coa aeroliña, con só 354 horas de voo, cando se esnafrou.

Accidente

O reactor realizaba un servizo internacional dende o aeroporto Las Américas de Santo Domingo ata o aeroporto Luis Muñoz Marín de San Xoán. Engalou sobre as 6:30 pm, pero dous minutos despois a tripulación declarou unha emerxencia cando o motor dereito se parou, solicitando aos controladores de tráfico aéreo regresar ao aeroporto inmediatamente. Porén, mentres se preparaban para volver o motor esquerdo apagouse. Sen control o avión descendeu rapidamente e esnafrouse no mar Caribe unhas dúas millas ao norte do aeroporto. As 102 persoas a bordo morreron.