Դոմինիկ Հաշեկ

	Հաշեկը «Դետրոյթ Ռեդ Ուինգսի» կազմում 2006-07 մրցաշրջանում
Ծնվել է	Դոմինիկ Հաշեկ; Dominik Hašek; հունվարի 29, 1965 (59 տարեկան); Պարդուբիցե, Չեխոսլովակիա
Մականուն	Գերիշխող; (Dominator)
Ազգություն	Չեխ
Հասակ	1,85 մ
Քաշ	75 կգ
Դիրք	Դարպասապահ
Բռնվածք	Ձախ
Նախկին ակումբներ	ELH; ՀԱ Պարդուբիցե; ՀԱ Դուկլա Յիհլավա; ՀԱ Յիհլավա; NHL; Չիկագո Բլեքհոքս; Բաֆալո Սեյբրզ; Օտտավա Սենատորզ; Դետրոյթ Ռեդ Ուինգս; KHL; ՀԱ Սպարտակ Մոսկվա
Ազգային հավաքական	Չեխիա; Չեխոսլովակիա
NHL դրաֆթ	1983 / 199-րդ ընտր.
Դրաֆթի ակումբ	Դետրոյթ Ռեդ Ուինգս
Ակտիվ շրջան	1980–2011

The printable version is no longer supported and may have rendering errors. Please update your browser bookmarks and please use the default browser print function instead.

Դոմինիկ Հաշեկ (չեխ.՝ Dominik Hašek, հունվարի 29, 1965), չեխ նախկին հոկեյիստ, դարպասապահ։ Մասնագիտական կարիերայի ընթացքում 16 մրցաշրջան անցկացրել է Հոկեյի ազգային լիգայի (NHL) «Չիկագո Բլեքհոքս» «Բաֆալո Սեյբրզ» «Օտտավա Սենատորզ» և «Դետրոյթ Ռեդ Ուինգս» ակումբներում։ Հանդես է եկել նաև ռուսական «Սպարտակում», ինչպես նաև բազմաթիվ այլ չեխական ակումբներում։ Հոկեյի ազգային լիգայում ելույթներ ունենալու տարիներին համարվել է առաջնության լավագույն դարպասապահներից մեկը։

1990-ականների և վաղ 2000-ականների ընթացքում Հաշեկն արժանացել է 6 Վեզինայի գավաթի, որը շնորհվում է մրցաշրջանի լավագույն արդյունքն ունեցող դարպասապահին։

«Ռեդ Ուինգսի» կազմում 2002 թվականին նվաճել է Սթենլիի գավաթը՝ դառնալով տվյալ մրցանակին արժանացած եվրոպացի առաջին մեկնարկային հոկեյիստը։

Ակումբային կարիերայից զատ, հանդես է եկել նաև Չեխիայի Հանրապետության տափօղակով հոկեյի ազգային հավաքականում՝ նվաճելով ոսկե մեդալ 1998 թվականի Նագանոյի և բրոնզե մեդալ 2006 թվականի Թուրինի ձմեռային օլիմպիական խաղերում։

Բազմաթիվ առիթներով կանադացի նշանավոր հոկեյիստ Ուեյն Գրեցկին Հաշեկին նկարագրել է որպես «լավագայն հոկեյիստը խաղում»^[1]։

Մրցանակներ և ձեռքբերումներ

Գավաթներ

Ջորջ Վեզինայի գավաթ՝ 6 (1994, 1995, 1997, 1998, 1999, 2001)
Ուիլյամ Մ. Ջենինգսի գավաթ՝ 2 (1994, 2001)
Լեստեր Բ. Փիրոսոնի գավաթ՝ 2 (1997, 1998)
Հարթի հիշատակի գավաթ՝ 2 (1997, 1998)^[2]

Առաջնություններ

Սթենլիի գավաթ՝ 1 (2002)^[2]

Ծանոթագրություններ

↑ Ուիգի, Լարի (1988 թ․ մարտի 23). «Կրքոտ թե՞ անկիրք». «Սպորտինգ նյուզ».(անգլ.)
↑ ^2,0 ^2,1 «Հոկեյի երկրպագուներ»(անգլ.)

Արտաքին հղումներ

Էջը NHL.com կայքում(անգլ.)
Էջը Հոկեյի համացանցային բազայում(անգլ.)

Վիքիպահեստն ունի նյութեր, որոնք վերաբերում են «Դոմինիկ Հաշեկ» հոդվածին։

[passion-1] Ուիգի, Լարի (1988 թ․ մարտի 23). «Կրքոտ թե՞ անկիրք». «Սպորտինգ նյուզ».(անգլ.)

[HockeyFans-2] 2,0 ^2,1 «Հոկեյի երկրպագուներ»(անգլ.)

[1]

[2]