Marte (planeta)
| |||
| Un photographia de Marte per le Telescopio Hubble | |||
| Elementos orbital | |||
|---|---|---|---|
| Eccentricitate (e) | 0,0934 | ||
| Axe semimajor (a) | 227.920.000 km (1,524 AU) | ||
| Perihelion (q) | 1,381 AU | ||
| Aphelion (Q) | 1,666 AU | ||
| Periodo orbital (P) | 686,980 d | ||
| Velocitate orbital | 24,13 km/s | ||
| Inclination (i) | 1,85° | ||
| Characteristicas physic | |||
| Diametro equatorial | 6.794 km | ||
| Diametro polar | 6.750 km | ||
| Massa | 6,419 · 1023 kg | ||
| Densitate | 3,933 g/cm³ | ||
| Gravitate del superfacie |
3,71 m/s² | ||
| Velocitate de escappamento |
5,03 km/s | ||
| Periodo de rotation | 24 h 37 min 22 s | ||
| Albedo | 0,15 | ||
| Temperatura medie del superfacie |
218 K | ||
| Satellites | 2 | ||
Marte es le quarte planeta del systema solar, de superficie roccose e desertic de color rubie. Illo possede grande vulcanos jam extinguite, e duo satellites natural Phobos et Deimos.
Alcun factos basic
- Le distantia le plus breve al Terra: 56 M km
- Le distantia le plus longe al Terra: 400 M km
- Die: 24,6 horas
- Anno: circa 687 dies terrestial, circa 670 dies martial
Superficie de Marte
Un characteristica del hemispherio nord es le existentia de un conjucto vulcanic Tharsis. In illo on incontra Olympus Mons, le vulcano le plus grande del Systema Solar. Illo ha un altitude de 25 km (plus de duo vices e medie le altitude del Everest super un planeta plus parve que le Terra).
Le zona vulcanic occupa 10% del superficie del planeta. Alcun crateres monstra signos de recente activitate e illos ha lava petrificate in lor scarpas.
Proxime al Equator e con un longitude de 2 700 km, un amplitude de usque 500 km e un profunditate de inter 2 e 7 km, Valles Marineris es un canyon que face semblar parve le Canyon del Colorado terrestre. Illo se formava per le affundamento del terreno a causa del formation del excrescentia de Tharsis.
Proque Marte es rubie
Malgrado que Marte es formate con le mesme elementos que le Terra, illo contine in le strato superior duo vices plus de oxyde de ferro que le Terra.
Le calor que regnava super le Terra in formation transformava le oxyde de ferro in metallo fundite que vadeva al corde del planeta. Proque illo es 10 vices plus parve, Marte non ha jammais attingite un temperatura satis elevate.
Le pression non superpassava nam le 2200°C, contra 3200°C super le Terra.
Ligamines esterne
