Viage temporal
Le viage temporal es le concepto de movimento inter certe punctos del tempore, similarmente al movimento de un persona o objecto inter varie punctos del spatio, typicamente per usar un apparato hypothetic nominate machina del tempore. Le viage temporal es un concepto largemente recognoscite in philosophia e fiction. Le idea de un machina del tempore esseva popularisate per le roman de 1985 de H. G. Wells Le Machina del Tempore.
Il non es certe si le viage temporal in le passato es physicamente possibile. Le viage temporal in le futuro, foras del senso usual de perception del tempore, es al contrario un phenomeno extensivemente observate e ben comprendite intra le contexto del relativitate special e relativitate general. Nonobstante, retardar o avantiar un corpore de plus de alcun millisecundas relativemente a un altere corpore non es practicabile con le technologia actual. Quanto al viage temporal in le passato, on pote trovar solutiones in le relativitate general que le rende possibile mais illos necessita conditiones que poterea esser physicamente impossibile. In physica theoric, il ha solmente poco de provas in favor del eventualitate de viagiar a un puncto arbitrari del spatio-tempore, le qual es generalmente solmente ligate al mechanica quantic o al foramines de vitro (anche cognoscite como pontes Einstein-Rosen).
