Fundamentalismo
| Fundamentalismo |
|---|
| instantia de: ideology[*], concepto philosophic[*] |
| subclasse de: world view[*] |
|
|
Le termino fundamentalismo[1] significa le attachamento stricte a un doctrina precise, religiose o altere.
Le adjectivo fundamentalista ha essite utilisate pro describer differente sortas de credentia religiose traditional [radical e aggressive], mesmo si se tracta de un predicator televisive baptista, un rabbin hassidic, un femina mormon, o un soldato del jihad islamic.
Le fundamentalismo surgeva in le tarde 19e seculo e in le preste 20e seculo intra le Protestantismo american, le qual reageva sia contra le theologia "modernista" e le critica biblic, sia contra le cambios del scena cultural e social del Statos Unite. Illo prendeva su nomine de "Le fundamentales" (The Fundamentals), 1910-15, un serie de essayos in 15 volumines, projectate pro contrastar le theologia liberal. Iste movimento cresceva multo depost le prime guerra mundial.
Durante le annos 1920, le fundamentalistas luctava contra le modernismo in tres manieras, per essayar, primo, de reprender le controlo (sin successo) del denominationes protestante, agentias missionari e seminarios; secundo: per supportar (con un poco de successo) le Prohibitionismo, le leges pro le respecto del reposo dominical e altere actiones pro defender le moralitate e sensibilitate traditional del Protestantismo; e, tertio (con relative successo) per essayar de stoppar le inseniamento del hypothese evolutionista in le scholas public, un doctrina que illes videva inextricabilemente associate al alte critica "german" e al fonte del Grande Guerra. Iste ultime strategia resultava in le insuccesso del infame processo Scopes del 1925 (plus tarde representate in un film multo poco accurate, "Inherit the Wind"), in le qual un inseniante de biologia de Dayton (MN) esseva accusate de inseniar illegalmente le evolutionismo a su classe. Le atmosphera de circo que se creava, discreditava le movimento al oculos del intellectuales e del medios de communication, e resultava in le subsequente disparition del fundamentalismo del scena cultural nordamerican.
Desde le annos 1940, le termino "fundamentalista" perveniva a denotar un stilo christian particularmente aggressive ligate al conviction que le separation ab le supponite decadentia cultural e apostasia del ecclesias liberal, es le signo meritori de distinction del fidelitate a Christo.
Hodie, le major parte del ecclesias que se describe como "fundamentalista" es ecclesias baptista separatista (que sovente se appella "ecclesias biblic"), gruppos como le General Association of Regular Baptist Churches (GARBC), or le Independent Fundamental Churches of America (IFCA).
Institutiones associate a iste movimento include le Bob Jones University (Greenville, SC) e le Tennessee Temple (Chattanooga, TN).
Vide etiam
 |
Wikimedia Commons ha files multimedia de: Fundamentalismo |