Plombo

La printebla versiono ne pluse suportesas, e povas havar grafikal erori. Voluntez aktualigar la preferaji di vua ret-navigilo, e voluntez uzar lua imprimo-funciono ''default''.

Plombo

Nomo	Plombo
Simbolo	Pb
Atomala nombro	82
Kemiala serio	pos-transitala metali
Atomala pezo	207,20 uma
Elektronala figuro	[Xe] 4f¹⁴ 5d¹⁰ 6s² 6p²

Plombo esas metalo bluatre-blanka, mola, tre pezoza. Ol havas la kemiala simbolo Pb ed atomala nombro 82. Ol havas la duesma maxim alta atomala nombro inter la stabila elementi.

Ol konocesas ed extraktesas de la prehistorio. Ol duras uzesar por fabrikar baterii, stan-aloyi, shildi kontre radiaco e kugli.

Plombo en kosmetiko

Plombo uzabis kom kosmetikala materiajo mem en anciena Persia e Grekia.

En Europa dum la 16ma yarcento on paligis la fizionomo per blanka plombo. Sur la plombo on indutis albumeno ganante brilanta e senmovanta pelo. La plomboza kosmetikala materiajo destruktis la fizionomo ed igis la haro falar. On ne savis pri la desavantajo o ne egardis pri to.

Plombo uzesis kom kosmetikala materiajo en Europa mem dum la 19ma yarcento, kande on remarkis ke plombo esas mortigebla materiajo. On uzis ingestante anke arseno kom kosmetikala materiajo pro divenar plu bela. Dum la 19ma yarcento on produktis fizionomala pudro anke ek zinko-oxido.

Commons

Commons havas kontenajo relatante a:

Plombo

Wikipedio

Wikivortaro explikas
ca rubriko
en altra lingui: Plombo