Lissabon

Lissabon Lisboa (portúgalska)
Höfuðborg
Svipmyndir
Fáni Skjaldarmerki Lissabon
Hnit: 38°43′31″N 09°09′00″V
Land	Portúgal
Stjórnarfar
• Borgarstjóri	Carlos Moedas
Flatarmál
• Samtals	100,05 km2
Mannfjöldi  (2023)
• Samtals	567.131
Tímabelti	UTC+0 (WET)
• Sumartími	UTC+1 (WEST)
Póstnúmer	1149-014 Lisboa
Svæðisnúmer	(+351) 21 XXX XXXX
Vefsíða	www.lisboa.pt

Miðborg Lissabon

Séð til Tagus fljóts.

Lissabon (portúgalska: Lisboa) er höfuðborg og stærsta borg Portúgals. Íbúar eru um 567.000 en á stórborgarsvæðinu búa tæpar 3 milljónir (2023). Borgin er staðsett í vesturhluta Portúgals, við Atlantshafið og þar sem áin Tagus (Tejo) rennur í haf. Hún er vestasta höfuðborg á meginlandi Evrópu. Borgarmörk Lissabon eru þröngt skilgreind utan um sögufræga hluta borgarinnar. Allmargar borgir eru í kringum Lissabon, t.d. Loures, Odivelas, Amadora og Oeiras og eru þær á stórborgarsvæði Lissabon.

Lissabon er ein elsta borg Evrópu og nær sögufrægi hluti borgarinnar yfir sjö mjög brattar hæðir. Borgin var miðstöð landkönnuða sem sigldu til Asíu og Ameríku á 15. til 17. öld, Vasco da Gama var þekktastur. Árið 1755 varð stór jarðskjálfti í borginni sem eyðilagði hana að stórum hluta og létust tugþúsundir.

Vesturhluti borgarinnar samanstendur af einum stærsta náttúrugarði í þéttbýli í Evrópu, Monsanto-garðinum, sem er nálægt 10 ferkílómetrar að flatarmáli.

Orðsifjar „Lissabon“ eru nokkru myrkri sveipaðar en algengasta ágiskunin er að hún hafi í öndverðunni merk borg Úlissíusar þar sem Úlissíus er talin hafa stofnsett borgina og -ippo merkti borg á fönikísku og því hafa þróast Uliss-ippo > Ulisipona. Nafnið gæti einnig hafa komið frá keltneskum ættbálkum.

Merkir staðir

• Castelo de São Jorge, kastali á hæð þar sem byggð hefur verið í 3000 ár.
• Betlehemturninn, turn og virki reistur árið 1519.
• Híerónýmusarklaustrið
• Praça do Comércio, Stórt torg sem var byggt eftir jarðskjálftann árið 1755.
• Vasco da Gama-brúin, önnur stærsta brú Evrópu.

Íþróttir

Knattspyrna

• Benfica
• Sporting Lissabon

  Þessi landafræðigrein er stubbur. Þú getur hjálpað til með því að bæta við greinina.